1150 x 80 px

මහජන බැංකුවේ ස්වයං බැංකුකරණ ඒකක දුම්රිය ස්ථාන තුන්සියක

මුදල් තැන්පත් කිරීමේ, ආපසු ගැනීමේ හා බිල්පත් ගෙවීමේ පහසුකම් ඇති මහජන බැංකුවේ අති නවින ස්වයං බැංකුකරණ ඒකක දිවයින පුරා දුම්රියපොළ ස්ථාන 300 පිහිටුවීමේ වැඩපිළිවෙළට අත්සන් තැබූ අද දිනය,

ශ‍්‍රී ලංකා දුම්රිය දෙපාර්තමේන්තුවේත්, මහජන බැංකුවේත් ඉතිහාසයේ රන් අකුරින් ලියැවෙන දිනයක් යැයි ප‍්‍රවාහන හා සිවිල් ගුවන් සේවා ඇමති නිමල් සිරිපාල ද සිල්වා මහතා ප‍්‍රකාශ කළේය. ශ‍්‍රී ලංකාවේ මෙතෙක් කිසිදු ස්ථානයක සවිකොට නොමැති අති නවීන තාක්ෂණයෙන් සපිරි ස්වයං බැංකුකරණ ඒකක 300ක් දුම්රිය පොළ ස්ථාන 300 ක සවිකිරීමෙන් මහජන බැංකුවටත්, දුම්රිය දෙපාර්තමේන්තුවටත් පොදුවේ රටේ පොදු ජනතාවටත් සුවිශාල සේවා පහසුකමක් සැලසෙන බවද ප‍්‍රවාහන සිවිල් ගුවන් සේවා ඇමතිවරයා කීය.

ප‍්‍රවාහන හා සිවිල් ගුවන් සේවා ඇමති නිමල් සිරිපාල ද සිල්වා මහතා මේ අදහස් ප‍්‍රකාශ කළේ මහජන බැංකුවේ නව ස්වයං බැංකුකරණ ඒකක 300ක් දුම්රිය ස්ථානවල ස්ථාපිත කිරීමේ දැවැන්ත වැඩපිළිවෙළ සඳහා ද්විපාර්ශික ගිවිසුමට ඊයේ (27) බත්තරමුල්ල පිහිටි ප‍්‍රවාහන අමාත්‍යාංශයේදී අත්සන් තැබීමේ උත්සවයට එක්වෙමිනි.

'දුම්රිය දෙපාර්තමේන්තුවේ කටයුතු නවීකරණය කළ යුතුව තිබෙනවා. අපි ඒ සඳහා වැඩ කොටසක් සිදු කරමින් ඉන්නේ. ඒවාගේම දුම්රියපොළ ස්ථාන දර්ශනීය අලංකාර, පොදු ජනතාවගේ සිත් ගන්නා තැනැක් බවට පත්කිරීමේ වැඩපිලිවෙළක් ක්‍රියාත්මකයි. මගී ජනතාවට අවශ්‍ය සෑම පහසුකමක්ම ලබාදීමටයි අපි කටයුතු කරන්නේ. ඒ අනුව ගතානුගතික ක්‍රමවේදයට දුම්රිය ප‍්‍රවේශපත‍්‍ර ලබා ගැනීමේ පිළිවෙතින් මිදී වඩාත් කාර්යක්ෂම, පහසු නව ක්‍රමවේදයක් අපි ඉදිරියේදී හඳුන්වාදීමට බලාපොරොත්තු වෙනවා' යැයි ප‍්‍රවාහන ඇමතිවරයා කීය.

වැඩිදුරටත් අදහස් දැක්වූ ප‍්‍රවාහන හා සිවිල් ගුවන් සේවා ඇමති ඇමති නිමල් සිරිපාල ද සිල්වා මහතා,

'මේ රටේ ජනතාව ඩිජිටල් තාක්ෂණය සමග ඉදිරියට යමින් ඉන්නේ. අපට තවම 18 වැනි ශතවර්ෂයේ ඉන්නට බැහැ. පැරණි විදිහට මුදල් ගණන් කර කර, මිටි බැඳ බැඳ ඉන්න බැහැ. ඒවා ඔක්කොම එකතු කරලා සංරක්ෂිතව, කාර්යක්ෂමව, කඩිනමින්, සැනින් බැංකු වෙත යවන වැඩ පිළිවෙළකට අපි යන්න ඕනෑ. ජනතාවට සුරක්ෂිත ඒවාගේම නවීන තාක්ෂණයට අනුව මුදල් ගනුදෙනු කිරීමේ අවශ්‍යතාවය අපි සකස් කරලා දෙන්න ඕනෑ. රාජ්‍ය අංශයේ බැංකුවක් වන මහජන බැංකුව අද අප සමග අත්වැල් බැදගෙන නව තාක්ෂණය අපේ මගී ජනතාවට උරුම කරදීමට ඉදිරිපත්වීම අගය කරනවා. ඒ පිළිබඳව අපි රජයක් හැටියට මහජන බැංකුවේ සැමට ස්තූතිය පුදකරන්න කැමතියි. මේ නව වැඩපිලිවෙළ දුම්රිය මගීන්ට උත්තේජයක් බවට පත් වෙයි කියා අපි සිතනවා. දුම්රිය ස්ථාන ඉතා කාර්යබහුල තැනක් බවට පත්වෙනවා. දුම්රිය ස්ථානයට එන යන ගමන් විදුලි බිලත් ගෙවාගෙන, සල්ලි ඕන නම් ස්වයංක්‍රීය ටෙලර් යන්ත‍්‍රයෙන් සල්ලිත් අරගෙන ආරක්ෂිිතව ගෙදරට යන්න ජනතාවට පුළුවන්කම ලැඛෙනවා. බස් නැවතුම්පොළට ගියවිට මගී ජනතාවට මේ අත්දැකීම ලබා ගන්න බැරි වෙයි. දුම්රිය ස්ථාන තුළ මෙය ආරක්ෂිතයි. අපිට ශක්තිමත් ආරක්ෂිත සේවාවක් වැඩ පිළිවෙළක් තිබෙනවා. ඒ් සියලු දෙනාගෙම සහයෝගයෙන් අපට හොඳ සේවාවක් ජනතාවට සලසලා දෙන්න පුළුවන්කම තිඛෙනවා.'

'අපි දුම්රිය දෙපාර්තමේන්තුව නවීකරණය වෙන්න ඕනෑ. දුම්රිය ප‍්‍රවේශපත‍්‍ර ලබාදීම ගතානුගතික ක්‍රමවේදයටම සිදුවෙන්න උවමනා නැහැ. පහසු කමයට ටිකට් ලබාදෙන ක්‍රමයක් අපි හඳුන්වාදෙන්න ඕනෑ. ඒ සම්බන්ධයෙන් කරුණු සොයා බලමින් ඉන්නවා.'

මහජන බැංකුවේ සභාපති හේමසිරි ප‍්‍රනාන්දු මහතා,

'අද දුම්රිය දෙපාර්තමේන්තුවට වාගේම අපේ මහජන බැංකුවටත් ඵෙතිහාසික අවස්ථාවක්. දුම්රිය ම`ගීන්ගේ පහසුව සඳහා අපි අද දැවැන්ත වැඩපිලිවෙළක් ආරම්භ කිරිමටයි පියවර ගන්නේ. අපි මේ සවිකරන්නේ අති නවීනතම තාක්ෂණයෙන් යුතු ලංකාවේ පළමුවරට හඳුන්වාදෙන ස්වයංක්‍රීය මුදල් ගැනීමේ හා තැන්පත් කිරීමේ යන්ත‍්‍ර. ඒ්වාගේම විදුලි, ජල, දුරකථන බිල්පත් ගෙවීමට හැකි පහසුකම් තිඛෙන ස්වයංකී්‍ර ණසදින යන්ත‍්‍ර සවි කරනවා.'

මේ අවස්ථාවට ප‍්‍රවාහන අමාත්‍යාංශයේ ලේකම් නිහාල් සෝමවීර, මහජන බැංකුවේ ප‍්‍රධාන විධායක නිලධාරී / සාමාන්‍යාධිකාරී එන්. වසන්ත කුමාර් යන මහත්වරු ඇතුළු පිරිසක් එක්ව සිටියහ.

Additional Info

මෙම පුවත පිළිබඳව යම් පාර්ශවයකට අගතියක් සිදුවූයේ නම් ඒ සම්බන්ධයෙන්  ප්‍රතිචාර දැක්වීමට ඔබට අයිතියක් ඇති බව අප පිළිගනිමු. ඒ අනුව ඔබගේ ප්‍රතිචාරය editor@lankanewsweb.net වෙත යොමු කරන්න

Top