Untitled 1

බෑන්ක් ඔෆ් චයිනා ලංකාවට එයි!

 

චීනයේ ප්‍රධානතම බැංකුවක් වන බෑන්ක් ඔෆ් චයිනා ශ්‍රී ලංකාව තුළ සිය මෙහෙයුම් කටයුතු ආරම්භ කිරීමට සූදානම් වේ. මෙහි විශේෂත්වය වන්නේ බෑන්ක් ඔෆ් චයිනාහි ශාඛාවක් පළමු වරට දකුණු ආසියානු රටක පිහිටුවීම සඳහා ශ්‍රී ලංකාව තෝරා ගැනීමයි. ඒ අනුව මෙම වසර තුළදී එම බැංකුවේ ශාඛාවක් කොළඹ නගරයේ ස්ථාපිත කිරීමට නියමිතය.

 

බෑන්ක් ඔෆ් චයිනාහි බලධාරීන් මේ වනවිට බැංකු ශාඛාව ආරම්භ කිරීම සඳහා අවශ්‍ය සාකච්ඡා පවත්වමින් සිටින බව සඳහන්. ඇමරිකානු ඩොලර් මිලියන 90 ක මුල්‍ය ප්‍රාග්ධනයකින් ආරම්භ කරන මෙම බැංකුව දෙරට අතර මුල්‍ය ගනුදෙනු සඳහා පහසුවක් වනු ඇති බව චීන තානාපති කාර්යාලය පවසයි.

මේ වනවිට බෑන්ක් ඔෆ් චයිනාහි ශාඛා ඇමරිකා එක්සත් ජනපදය, මහා බ්‍රිතාන්‍යය, කැනඩාව ඇතුළු ප්‍රධාන රටවල් කිහිපයක සහ කෙන්යාව ඇතුළු තවත් රටවල් කිහිපයක ද ස්ථාපිත කර තිබේ. චීනයේ 'වන් බෙල්ට්-වන් රෝඩ්' සංකල්පය යටතේ ඉන්දියානු සාගර කලාපය තුළ මුල්‍ය මධ්‍යස්ථානයක් නඩත්තු කිරීමට චීනය කටයුතු කරමින් සිටින අතර මෙය එහි එක් පියවරකි.

ආශිකා බ්‍රාහ්මණ

Additional Info

මෙම පුවත පිළිබඳව යම් පාර්ශවයකට අගතියක් සිදුවූයේ නම් ඒ සම්බන්ධයෙන්  ප්‍රතිචාර දැක්වීමට ඔබට අයිතියක් ඇති බව අප පිළිගනිමු. ඒ අනුව ඔබගේ ප්‍රතිචාරය [email protected] වෙත යොමු කරන්න

Top