Untitled 1

දුම්රිය - යශෝධා සම්මානි

ගිම්හාන ගින්දරෙන් ඔත්පලව
දුම්රියට සහලෝල උණ
වෙව්ල වෙව්ලා දෙපා අද්දවන
හිටිගමන් කිවිසුමක් පුපුරවා
ජනෙල්, දොර අසව් කැහැ කැහැ යන

දෙතුන්පලකින් කුදු ගැහීගත්
කළු ගැටිති සහිත උස් පාලම
බිඳුණු හද කැබිලිති අතින් ගෙන
එස්මෙරෙල්ඩා දුටී දැයි විමසන

තිගැස්මෙන් හුස්ම ඇදගත් ඇංජිම
නොදන්නා බව නොකියන
කරකරස් ගා තිරිංගය ඇද
හිත හැදෙන වචනයක් කොඳුරන

පීලි දිග මාවත දෙපැත්තේ
සුපුෂ්පිත කුඩා බාළොලි මල් ය
කැලැල් වැකි පෙති දෙපෙති අවුස්සා
නිකැලැල්ම මදහසක් උපද්දන

Top