1150 x 80 px

දිවුලපිටිය වෙඩි තැබීම ; නිධන් කොල්ලයක තොරතුරු හෙළිවෙයි

දිවුලපිටිය හේන්පිටිගෙදර ප්‍රදේශයේදී ඊයේ පොලිස් විශේෂකාර්ය බලකාය සමඟ වෙඩි හුවමාරුවක නියැළුණු පාතල සාමාජිකයින් පිරිස නිධානයක් කොල්ල කෑම සඳහා කුමන්ත්‍රණය කරමින් සිටි පිරිසක් බව විමර්ශන වල දී හෙළිදරව් වී තිබේ. වෙනත් පිරිසක් විසින් ලබාගත් නිධානයක්, ඔවුන්ට පහරදී කොල්ලකෑමට සැලසුම් කර තිබූ බව එක් සැකකරුවකු ප්‍රකාශ කර ඇත. 

 

මෙම වෙඩි හුවමාරුවේදී නිල්පනාගොඩ, මිනුවන්ගොඩ ප්‍රදේශයේ පදිංචි 35 හැවිරිදි නාවලගේ කුෂාන් තක්ෂිල නම් පුද්ගලයකු මියගිය අතර සැකකරුවන් 07 දෙනෙක්, ඔවුන් පැමිණි වෑන් රථය, පිස්තෝල 02ක්, අත් බෝම්බයක් හා ප්ලාස්ටික් පිස්තෝලයක් අත් අඩංගුවට ගෙන තිබේ. 

පොලිස් විශේෂකාර්ය බලකායට ලැබුණු ඔත්තුවක් මත සැකකරුවන් පැමිණි වෑන් රිය ලුහුබැඳ යාමේදී මෙම වෙඩි හුවමාරුව සිදුව තිබිණි. පොලිස් විශේෂ කාර්ය බලකා සෙබළුන්ට වෙඩි තැබූ සැකකරුවන්ගෙන් කිහිප දෙනෙකු පළා ගොස් ඇති අතර ඔවුන් සොයා විමර්ශන සිදුකෙරේ. 

අත් අඩංගුවට ගත් පුද්ගලයින් අතර රන්දීර් රොද්‍රිගෝ නම් එක්සත් ජාතික පක්ෂ පළාත් සභා මන්ත්‍රීවරයකු ද වේ. ඔහුගේ නිවස සෝදිසි කිරීමේදී උණ්ඩ තොගයක් ද හමුවී ඇතැයි ද වාර්තා වේ.  

- රංජිත් නිශාන්ත

Additional Info

මෙම පුවත පිළිබඳව යම් පාර්ශවයකට අගතියක් සිදුවූයේ නම් ඒ සම්බන්ධයෙන්  ප්‍රතිචාර දැක්වීමට ඔබට අයිතියක් ඇති බව අප පිළිගනිමු. ඒ අනුව ඔබගේ ප්‍රතිචාරය editor@lankanewsweb.net වෙත යොමු කරන්න

Top