Untitled 1

ඩෙංගු මදුරුවන් හමුවන රාජ්‍ය ආයතන ඇතුළු සියලු ස්ථානවලට එරෙහි දැඩි තීරණ

දිස්ත්‍රික්ක 12 ක් පුරා ඩෙංගු අවධානම වැඩි වී ඇති බැවින් ඩෙංගු මදුරු මර්දනය සදහා කඩිනමි වැඩසටහන් දියත් කිරීමට සෞඛ්‍ය පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතා කටයුතු යොදා ඇත. 2017 වසරේ මෙි දක්වා ඩෙංගු රෝගීන් 33,151 ක් වාර්තා වී ඇත. සිදුව ඇති මරණ සංඛ්‍යාව 61 කි.

ඩෙංගු රෝගය මර්දනය කිරිම පිළිබද වැඩසටහන් දියත් කිරීම සදහා වූ විශේෂ සාකචිඡාවක් සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතාගේ ප්‍රධානත්වයෙන් අද (21) පෙරවරුවෙි සෞඛ්‍ය අමාත්‍යාංශයේ දී පැවැත්විනි. කොළඹ, ගම්පහ, කළුතර, මහනුවර, යාපනය, කුරුණෑගල, පුත්තලම, ත්‍රීකුණාමලය, මඩකළපුව, රත්නපුර, කෑගල්ල සහ මාතර යන දිස්ත්‍රික්කවල ඩෙංගු රෝගීන් වැඩි වශයෙන් වාර්තා වී ඇත. එම දිස්ත්‍රික්කවලට ප්‍රමුඛ ස්ථානය ලබාදෙමින් දිවයින පුරා ඩෙංගු මදුරු මර්දන වැඩසටහන් දියත් කිරිමට මෙහිදී තීරණය කෙරුනි. විශේෂයෙන්ම ලබන 26 ට ප්‍රථම පාසල් පද්ධතිය පිරිසිදු කිරීමට තීරණය කෙරුනි. ඒ සදහා අධ්‍යාපන අමාත්‍යාංශයේ ද සහයෝගය ලැඛෙන අතර, පාසල් පද්ධතිය පිරිසිදු කිරීමෙන් පසු එය පොලීසිය හා සෞඛ්‍ය නිලධාරින් විසින් පරීක්ෂා කර වාර්තාවක් ලබාදීමට නියමිතය. ඩෙංගු මදුරු කීටයින් හමු වුවහොත් මාසයක කාලයක් ඇතුළත පාසල් පද්ධතිය පිරිසිදු කර ගත යුතු අතර, ඉන් පසු මදුරුවන් හමුවුවහොත් විදුහල්පතිවරයාට එරෙහිව නඩු පවරන බව සෞඛ්‍ය අමාත්‍ය රාජිත සේනාරත්න මහතා මෙහිදී ප්‍රකාශ කළේය. පාසල්වල ඩෙංගු මර්දන කමිටු සක්‍රීය කිරීමටත්, ඩෙංගු මදුරු මර්දනය පිළිබද වාර්තාවක් පාසල් සංවර්ධන කමිටුවට මාසිකව ලබාදිය යුතු බවට වූ නියෝග පනවා චක්‍රලේඛයක් නිකුත් කිරිමට ද තීරණය කෙරුනි. සියළුම රාජ්‍ය ආයතන පරික්ෂා කරන අතර, ඩෙංගු මදුරු කීටයින් හමුවුවහොත් ආයතන ප්‍රධානියාට එරෙහිව නඩු පැවැරිමට ද මෙහිදී තීරණය විය. ඒ සදහා රාජ්‍ය පරිපාලන අමාත්‍යාංශය හරහා චක්‍රලේඛයක් නිකුත් කිරිමට නියමිතය. දිවයින පුරා පිහිටි සියළු ඉදිකිරීම් කළාප පරීක්ෂාවට ලක් කරන අතර, එහි දී ඩෙංගු මදුරු කීටයින් හමුවුවහොත් අදාල බලපත්‍රය මාසයක් අවලංගු කරන බව ද සෞඛ්‍ය අමාත්‍යවරයා මෙහිදී ප්‍රකාශ කළේය. ධීවරවරාය හා නැංගුරම් තොටුපලවල එකතුවන කුණූ කසල පළාත් පාලන අයතන විසින් ඉවත් කිරීමට ද තීරණය විය. දැනට අතහැර දමා ඇති සියළුම බෝට්ටු පෞද්ගලික සමාගමකට ලබා දී විනාශ කිරිමට ද තීරණය කෙරුනි.

පරිසර පොලිස් ඒකකය ශක්තිමත් කිරිමට ද මෙහිදී තීරණය විය. ඒ සදහා අවශ්‍ය නිලධාරීන් ලබාදෙන ලෙස සෞඛ්‍ය අමාත්‍යවරයා පොලිස්පති පූජිත ජයසුන්දර මහතාගෙන් ඉල්ලා සිටියේය. සෞඛ්‍ය අමාත්‍යාංශය යටතේ ඩෙංගු තොරතුරු මධ්‍යස්ථානයක් ස්ථාපිත කිරීමට ද නියමිතය. එය අමාත්‍යාංශයේ ආපදා කළමණාකරණ ඒකකයේ ස්ථාපිත කරන අතර, ඩෙංගු රෝගීන් පිළිබද තොරතුරු ලැබුනු පසු ප්‍රතිකාර කිරීම සහ අවට ධූමායන කටයුතු විධිමත් කිරීමට ද මෙහිදී තීරණය විය. ඩෙංගු රෝගීන් සදහා රෝහල්වල වෙනම වාට්ටු සංකීර්ණ හා තාවකාලික වාට්ටු ඉදිකිරීමට ද තීරණය කෙරුනි. සෞඛ්‍ය අමාත්‍යවරයා මෙහිදී ප්‍රකාශ කළේ ඩෙංගු මදුරු කීටයින්ගෙන් සියයට 80 ක් නිවාස තුල බෝවන බවත්, එම නිසා නිවාස පිරිසිදුව හා පවිත්‍රව තබාගැනීම අත්‍යාවශ්‍ය කරුණක් වී ඇති බවත්ය.  

මෙම සාකචිඡාවට පළාත් සභා සහ පළාත් පාලන අමාත්‍ය ෆයිසර් මුස්තාෆා මහතා, සෞඛ්‍ය අමාත්‍යාංශයේ වැඩබලන ලේකම් රුක්මණී ගුණතිලක මහත්මිය, සෞඛ්‍ය සේවා අධ්‍යක්ෂ ජනරාල් වෛද්‍ය ජයසුන්දර බණ්ඩාර මහතා, නියෝජ්‍ය අධ්‍යක්ෂ ජනරාල්වරුන් වන සරත් අමුණූගම මහතා, ලක්ෂ්මි සෝමතුංග මහත්මිය, හේමන්ත ඛෙනරගම මහතා, සෞඛ්‍ය අමාත්‍යතුමාගේ පෞද්ගලික ලේකම් විශේෂඥ වෛද්‍ය සුජාතා සේනාරත්න මහත්මිය, රෝහල් අධ්‍යක්ෂවරුන්, ඩෙංගු මර්දන ඒකකයේ නිලධාරින්, අධ්‍යාපන, පරිසර, ධීවර හා ජලජ සම්පත් යන අමාත්‍යාංශවල නිලධාරින්, පොලීසිය හා ත්‍රිවිධ හමුදා සාමාජිකයින් එක්ව සිටියහ.

Additional Info

මෙම පුවත පිළිබඳව යම් පාර්ශවයකට අගතියක් සිදුවූයේ නම් ඒ සම්බන්ධයෙන්  ප්‍රතිචාර දැක්වීමට ඔබට අයිතියක් ඇති බව අප පිළිගනිමු. ඒ අනුව ඔබගේ ප්‍රතිචාරය [email protected] වෙත යොමු කරන්න

Top