1150 x 80 px

සයිටම්, ජනතාවගේ ප්‍රශ්නයක් නොවෙයි - රාජිත සේනාරත්න
සයිටම් සටන ප්‍රමිතිය සඳහා වන වෛද්‍ය අධ්‍යාපනයක් ස්ථාපනය කිරීමවෙනුවෙන් නම් එම සටන සමඟ තමන් සිටින නමුත් ඊට මුවාවෙමින් ආණ්ඩු පෙරළියක් සඳහා ඇතැමෙක් කටයුතු කරන්නේ නම් ඊට එරෙහිව දැඩි ක්‍රියාමාර්ග ගන්නා බව සෞඛ්‍ය අමාත්‍ය රාජිත සේනාරත්න මහතා අවධාරණය කරයි.
විශ්ව විද්‍යාල හා වෛද්‍ය ක්ෂේත්‍රයේ ගැටළුවක් වන මෙම සයිටම් ප්‍රශ්නය පොදු ජනතාවගේ ප්‍රශ්නයක් නොවන බව අමාත්‍යවරයා පෙන්වා දෙයි.තමන් හමුවට පැමිණෙන දේශපාලකයන්ගේ අදහස් අනුවම එය වැටහෙන බව සේනාරත්න මහතා සඳහන් කරයි.සයිටම් පිළිබඳ කතාකරන බොහෝ දෙනා නිදහස් අධ්‍යාපනයේ අරුත හරිහැටි නොදන්නා බවද හෙතෙම පෙන්වා දෙයි.
 
 
 
සයිටම් ප්‍රශ්නය මුල් කරගනිමින් අඛණ්ඩව පවත්වාගෙන යමින් සිටින ශිෂ්‍ය විරෝධතා සම්බන්ධයෙන් අදහස් දක්වන අමාත්‍යවරයා පෙන්වා දෙන්නේ බොහෝ ශිෂ්‍යයන්ට වෛද්‍ය අධ්‍යාපනය පිළිබඳව හෝ හරිහැටි අවබෝධයක් නොමැති බවයි.
 
කෙසේ වෙතත් ශිෂ්‍ය විරෝධය පසුපස සිටින දේශපාලන පක්ෂ, කඩපු  දෙයක් හැර හදපු දෙයක් නොමැති බව අමාත්‍යවරයා වැඩිදුරටත් කියා සිටියි.
 

Additional Info

මෙම පුවත පිළිබඳව යම් පාර්ශවයකට අගතියක් සිදුවූයේ නම් ඒ සම්බන්ධයෙන්  ප්‍රතිචාර දැක්වීමට ඔබට අයිතියක් ඇති බව අප පිළිගනිමු. ඒ අනුව ඔබගේ ප්‍රතිචාරය [email protected] වෙත යොමු කරන්න

Top