1150 x 80 px

දිවි උදාන සහනාධාර ණය ලබාදීම ආරම්භ කරනවා - රවී කරුණානායක
2017 අයවැය යෝජනාවලට ඇතුළත් වූ දිවි උදාන පොලී සහනාධාර ණය ලබාදීමේ වැඩසටහන ආරම්භ කර ඇති බව මුදල් අමාත්‍ය රවී කරුණානායක මහතා පවසයි. ඒ අනුව අදාල පොලී සහනාධාර ගෙවීම සඳහා රුපියල් මිලියන 4,475 ක් මේ වනවිට බැංකු වෙත මුදාහැර ඇති බව ඇමතිවරයා පෙන්වා දෙයි.
රවී කරුණානායක ඇමතිවරයා මේ බව ප්‍රකාශ කළේ නව ණය යෝජනා ක්‍රමය සම්බන්ධයෙන් දැනුවත් කිරීම සඳහා අද (14) මුදල් අමාත්‍යංශයේ පැවති මාධ්‍ය හමුව අමතමිනි.
 
මෙම පොළී සහනාධාර ණය යෝජනා වැඩසටහන යටතේ ණය ක්‍රම අටක් හඳුන්වා දී තිබේ. 
 
රන් අස්වැන්න, ගොවි නවෝදා, රිය ශක්ති, රිවි බල සවි, දිරි සවිය, ජය ඉසුර, මාධ්‍ය අරුණ, සොඳුරු පියස යන ක්‍රම යටතේ ණය යෝජනා ක්‍රම හඳුන්වා දී තිබේ.
 
බොහෝ අංශවලින් 75% ක් දක්වා පොළී සහනාධාර ලබාදෙන අතර මාධ්‍යවේදීන් සඳහා පොළී රහිත ණය ලබාගැනීමේ පහසුකම් මේ යටතේ හඳුන්වා දී තිබේ.
 
සංජීව මලවිආරච්චි
 

Additional Info

මෙම පුවත පිළිබඳව යම් පාර්ශවයකට අගතියක් සිදුවූයේ නම් ඒ සම්බන්ධයෙන්  ප්‍රතිචාර දැක්වීමට ඔබට අයිතියක් ඇති බව අප පිළිගනිමු. ඒ අනුව ඔබගේ ප්‍රතිචාරය [email protected] වෙත යොමු කරන්න

Top