1150 x 80 px

"ගිරව්" ඇල්ලීම තහනම් කිරීම කෙරෙහි ධීවර අමාත්‍යාංශයේ අවධානය!

"ගිරව්" හෙවත් Parrotfish යනුවෙන් හදුන්වන මත්ස්‍ය විශේෂය ශ්‍රී ලංකාව වැනි ඝර්ම කලාපීය රටවල නොගැඹුරු මුහුද ආශ්‍රීතව ජීවත් වන අලංකාර මත්ස්‍ය විශේෂයකි. "ගිරව්" යනුවෙන් ශ්‍රී ලංකාවේ ධීවරයින් හදුන්වන මෙම මත්ස්‍ය විශේෂය Scaridae පවුලට අයත් මත්ස්‍යයෙකි.

සාමාන්‍යයෙන් අඩි තුනේ තුනේ සිට අඩි හතරහමාරක් දක්වා වැඩෙන මෙම මසුන් ඇතැම් විට මිනිසෙකුටත් වඩා උසින් වැඩුනු අවස්ථා ද දක්නට ලැබේ. අපේ රටේ මෙම මසුන් බහුලව ආහාරයට නොගනිතත් ඇතැම් රටවල්වල මෙම මසුන් ආහාරය පිණිස භාවිතා කරයි. කොරල්පර ආශ්‍රීතව බහුලව වෙසෙන මෙම මසුන් මුහුදු පැළෑටි හා ගල්පර ආශ්‍රීතව ජීවත් වෙති. එමනිසා සංචාරකයින් මෙම මසුන් නැරඹීම සදහා බහුලව අප රටට පැමිණෙන අතර, එම නිසා සංචාරක කර්මාන්තයට විශාල ආකර්ශණයක් මෙම මසුන්ගෙන් ලැබී තිබේ. 

එමෙන්ම ජෛවමය ඛාදනයන් වැළැක්වීම සදහා මෙම මත්ස්‍යයා කටයුතු කරන අතර එම නිසා පරිසර හිතකාමි මත්ස්‍යයකු වශයෙන් ද සැළකේ.

කෙසේ වුවද මෙම මසුන් අපේ ඇතැම් ධීවරයින් විසින් අල්ලා ගන්නා නිසා එම විශාල මසුන් වඳ වී යාමේ තර්ජනයකට මුහුණ පා ඇත. මේ සම්බන්ධයෙන් ඇතැම් ධිවර ප්‍රජාවද, පරිසර සංවිධාන ද, සංචාරක කර්මාන්තය ආශ්‍රීතව කටයුතු කරන පිරිස් ද ගිරව් ඇල්ලීම තහනම් කරන ලෙස ධීවර හා ජලජ සම්පත් සංවර්ධන අමාත්‍ය මහින්ද අමරවීර මැතිතුමාගෙන් ඉල්ලීමක් කර ඇත.

එමනිසා ගිරව් ඇල්ලීම තහනම් කිරීම කෙරෙහි අමාත්‍යාංශයේ අවධානය යොමු වී තිබේ.

Additional Info

මෙම පුවත පිළිබඳව යම් පාර්ශවයකට අගතියක් සිදුවූයේ නම් ඒ සම්බන්ධයෙන්  ප්‍රතිචාර දැක්වීමට ඔබට අයිතියක් ඇති බව අප පිළිගනිමු. ඒ අනුව ඔබගේ ප්‍රතිචාරය [email protected] වෙත යොමු කරන්න

Top