Untitled 1

හැටන් නැෂනල් බැංකුව ඉතිහාසයේ විශාලතම පුද්ගලික බැංකු විනාසය සිදුකරයි

 

හැටන් නැෂනල් බැංකුව පසුගියදා සිය ප්‍රමුඛ පාරිභෝගිකයන්ගේ නම් සහ බැංකු ශේෂයන් ප්‍රසිද්ධ කරමින් අභිමානයෙන් යුතුව කියා සිටියේ තමන් බැංකු ක්ෂේත්‍රයේ Global 1000 Rankings අතර සිටිනා බවයි.

බැංකුව විසින් EXCLUSIVE OFFERS FOR HNB PRIORITY CIRCLE CUSTOMERS යනුවෙන් ඇමුණුමක් එකක් සහිත විද්‍යුත් ලිපියක් ද යවා තිබිණි. මෙම විද්‍යුත් ලිපියේ ඇමුණුම විවෘත කළ විට පාරිභෝගිකයන්ට පෙනී ගියේ ඔවුන්ගේ බැංකු ගිණුම්වල ශේෂයන්, විද්‍යුත් ලිපින සහ ඔවුන්ව සම්බන්ධ කරගත හැකි ආකාරය අඩංගු සියලු විස්තර එහි අන්තර්ගත බවයි.

මේ සා බිහිසුණු සහ බරපතළ ආකාරයකට පෞද්ගලික බැංකුවක් සිය ගනුදෙනුකරුවන්ගේ රහස්‍යභාවය සහ විශ්වාසනීයත්වය උල්ලංඝනය කරන්නේ අපේ බැංකු ඉතිහාසයේ පළමු වතාවට ය.

මෙම බරපතළ උල්ලංඝනයට එරෙහිව බැංකුවේ සහ බැංකු අධ්‍යක්ෂක මණ්ඩලයේ සාමාජිකයන්ට එරෙහිව මහ බැංකුව විසින් වහාම ක්‍රියාමාර්ග ගත යුතුව තිබේ.

බැංකුවක් මහජන සුබසිද්ධිය වෙනුවෙන් ගනුදෙනුකරුවන්ගේ ඉතුරුම් ශේෂ ප්‍රසිද්ධියට පත් කළ යුතු නොවේ. නිරීක්ෂකයන් කියන්නේ බැංකුවේ අධ්‍යක්ෂ මණ්ඩලයේ බැංකු කටයුතු ගැන යමක් දන්නා අධ්‍යක්ෂකවරුන් සිටින්නේ එක් අයෙක් හෝ දෙදෙනෙක් පමණක් බවයි. බැංකුවේ සභාපතිවරයා අපරාධ නඩු කතා කරන නීතිඥයෙකි. ඉදිරි දිනවලදී බැංකුව නඩු ගණනාවකට මුහුණ දෙනු ඇත.

Additional Info

මෙම පුවත පිළිබඳව යම් පාර්ශවයකට අගතියක් සිදුවූයේ නම් ඒ සම්බන්ධයෙන්  ප්‍රතිචාර දැක්වීමට ඔබට අයිතියක් ඇති බව අප පිළිගනිමු. ඒ අනුව ඔබගේ ප්‍රතිචාරය [email protected] වෙත යොමු කරන්න

Top