සටහන – තිසර සමල්
ජනවාරි 02, අනුරාධපුර (LNW):මහඉලුප්පල්ලමදී බසයේ ගැටුණු වන අලියා ආබාධයට ලක් වෙලා..තවමත් නිසි ප්රථිකාර ලැබී නැතැයි ප්රදේශවාසීන් පවසති.
පසුගිය 23 වැනි දින අලුයම වන අලියකු ගැටීමෙන් බස් රථයක් මහඉලුප්පල්ලමදී අනතුරට ලක් විය.
එම අනතුරින් බස් රථයට දැඩි අලාභ හානී සිදු වූ අතර බස් රථයේ කොන්දොස්තර මහතා, රියදුරු ඇතුළුව මගීන් දෙදෙනෙකුද තුවාල ලබා රෝහල් ගත කර තිබිණි.
අනතුරට ලක් වූ වන අලියා පිළිබද හෝඩුවාවක් නොවූ අතර, වන ජීවී නිළධාරීන්ද පැමිණ අනතුරට පත් වන අලියා පිළිබද සොයා බැලූ අතර වන අලියා සොයා ගත නොහැකි වී ඇත.
පසුව ප්රදේශවාසීයකුගේ කැමරාවට මෙම වන අලියා හසුවී ඇති අතර, වන අලියාගේ ඉදිරි පාදය අබාධයට ලක්ව ඇතැයි ඔහු පැවසීය.
අනතුරින් තුවාල ලැබූ වන අලියා වන අලි රංචුවක් සමග මහඉලුප්පල්ලම ප්රදේශයේ සැරි සරන බවත් ඔහුට කඩිනමින් ප්රථිකාර කරන ලෙසත් ප්රදේශවාසීන් ඉල්ලා සිටිති.