කොළඹ LNW: ලංකා විදුලිබල මණ්ඩල සේවකයින් දෙවන දිනටත් අද (04) විරෝධතාවේ නිරත වෙමින් සිටියි.
ඒ,ලංවිම ප්රතිව්යුහගත කිරීම සඳහා ඉදිරිපත් කර ඇති පනත් කෙටුම්පතට එරෙහිවයි. එම පනත වහා හකුළා ගන්න ලෙස රජයට බලකරමින් ඊයේ දින සිට අඛණ්ඩ දින තුනක් ලංවිම සේවක විරෝධතා පැවැත්වීමට කටයුතු යොදා තිබේ.
ලංකා විදුලිබල මණ්ඩල ඒකාබද්ධ වෘත්තීය සමිති සන්ධානය විසින් මෙම විරෝධතාව සංවිධානය කර තිබේ.
මේ අතර ලංකා විදුලි බල මණ්ඩලයේ වෘත්තීය සමිති නායකයින් පිරිසකට එරෙහිව කොළඹ කොටුව මහෙස්ත්රාත් අධිකරණය විසින් නියෝගයක් නිකුත් කර ඇත.
ඒ අනුව රන්ජන් ජයලාල් ඇතුළු සෙසු විරෝධතාකරුවන් ජනාධිපති ලේකම් කාර්යාලය,ජනාධිපති මන්දිරය, මුදල් අමාත්යංශ පරිශ්රය සහ මහ බැංකු පරිශ්රයට අද දින ඇතුළු වීමෙන් වැළකී සිටිය යුතුවෙයි.
මෙම තෙදින විරෝධතාව රජය විසින් නොසලකා හැරියහොත් පනත පරාජය කිරීම සඳහා අවශ්ය අඛණ්ඩ මැදිහත් වීම සිදුකරන් බවටයි ලංකා විදුලි බල මණ්ඩලයේ වෘත්තීය සමිති අවධාරණය කර ඇත්තේ.
ASK
