සටහන – රුවන් නෙළුගොල්ල
ගාල්ල දිස්ත්‍රික්කයේ කරන්දෙනිය ආසනයේ වැලිවිටිය දිවිතුර සමූපකාර නිලවරණයේදී විශිෂ්ට ජයග්‍රහණයක් ලබාගැනීමට සමගි ජන බලවේගය ප්‍රමුඛ විපක්ෂය සමත්ව තිබේ.
මෙම ඡන්ද විමසීම ජනවාරි 05 වෙනිදා පැවැත්වී ඇති අතර එහිදී සමූපකාර ප්‍රාදේශික 18න් 16කම බලය ලබාගැනීමට සජබ ප්‍රමුඛ විපක්ෂයට හැකිවී ඇති අතර ජාතික ජන බලවේගයට දිනා ගැනීමට හැකිවී ඇත්තේ ප්‍රාදේශික 02ක බලය පමණි.
ජාතික ජන බලවේගයේ ආධාරකරුවන් ප්‍රධාන පෙළේ මැතිවරණයක් හා සමානව අත් පත්‍රිකා සහ කාඩ්පත් මුද්‍රණය කරගෙන ගෙන්ගෙට ගොස් ප්‍රචාරණ කටයුතු ද සිදුකර තිබියදීත් ඔවුන් පරාජයට පත්වීම මෙහි ඇති විශේෂත්වය බවයි සමගි ජන බලවේගයේ හිටපු පාර්ලිමේන්තු මන්ත්‍රී බන්දුලාල් බණ්ඩාරිගොඩ මහතා සඳහන් කළේ.
