කොළඹ LNW:2016 සිට 2020 දක්වා කාලය තුළ ළගම පාසල හොදම පාසල වැඩසටහනෙන් ආරම්භ කර අතරමග නවතා දමා ඇති ව්‍යාපෘති සමාලෝචනය කර අවසන් කරන බව අග්‍රාමාත්‍ය ආචාර්ය හරිනි අමරසූරිය අද (07) පාර්ලිමේන්තුවේදී ප්‍රකාශ කළාය.
බොහෝ පාසල්වල එම ව්‍යාපෘතිය අතරමඟ නැවතී ඇති නිසා සියලුම පාසල් සමාලෝචනය කරමින් රජයේ සැලස්ම අනුව සියලුම දරුවන්ට කිලෝමීටර තුනක් ඇතුළත යා හැකි ප්‍රාථමික පාසලත් එවැනි පාසල් ගණනවක් එකතුකරමින් යා හැකි අංග සම්පූර්ණ ද්විතීයික පාසලක් වෙනුවෙන් සැලසුම් සකස් කරමින් පවතින බවයි අගමැතිවරිය සඳහන් කළේ.
මුල සිට එම ව්‍යාපෘතිය ආරම්භ නොකරන අතර අතරමඟ නැවතී ඇති ව්‍යාපෘති සහිත පාසල් තෝරාගෙන එය ඉදිරියට සංවර්ධන කිරීම බලාපොරොත්තුව වන බවද ඇය සඳහන් කරන ලදී.
ආශිකා බ්‍රාහ්මණ
