සටහන – නිපුනි ලියනගේ
ජනවාරි 10, කොළඹ (LNW): ශ්‍රීලංකන් එයාර්ලයින්ස් සිය නව ද්වාරයක් SriLankan Direct Connect ඉන්දියාව සමඟ ආරම්භ කරමින් සංචාරක නියෝජිතයින්ට පහසු සෘජු ප්‍රවේශයක්, ගුවන් සේවය වෙන් කිරීමේ පද්ධතියට පහසු සෘජු ප්‍රවේශයක් සහ වෙනත් ප්‍රතිලාභ රැසක් ලබා දීම වැනි නවමු ඇරඹුමක් සනිටුහන් කරයි.
New Distribution Capability (NDC) වේදිකාව යනු ජාත්‍යන්තර ගුවන් ප්‍රවාහන සංගමයේ (IATA) සංචාරක කර්මාන්තයට අනුග්‍රහය දක්වන ප්‍රබල වැඩසටහනක් වන අතර එය ගුවන් සේවා ඩිජිටල්කරණය කිරීමේ වේගය සකසයි.
SriLankan Direct Connect හරහා තාක්ෂණය අනුගමනය කිරීමෙන් ශ්‍රීලංකන් එයාර්ලයින්ස් සිය නියෝජිතයන් සමඟ ප්‍රබල, සෘජු සිල්ලර සහ සන්නිවේදන නාලිකාවක් පිහිටුවීමට සහ සාම්ප්‍රදායික, අතරමැදි ගෝලීය බෙදාහැරීමේ පද්ධති මඟහැර පොහොසත් අන්තර්ගතයන්, අනුබද්ධ සේවාවන් සහ පුද්ගලාරෝපිත දීමනා ලබා දීමට ඉඩ සලසයි.
IATA හි NDC තාක්ෂණය හඳුන්වා දුන් දකුණු ආසියාවේ පළමු ගුවන් සමාගමක් බවට පත්වීමට සහ අපගේ නියෝජිතයින් සඳහා සමස්ත වෙන්කිරීමේ අත්දැකීම් වැඩි දියුණු කිරීමට ලැබීම අප ලද භාග්‍යයකි.
SriLankan Direct Connect හඳුන්වා දීම, IATA විසින් කීර්තිමත් ගුවන් සේවා සිල්ලර වෙළඳාම් පරිණත සහතිකය සඳහා ශ්‍රීලංකන් ගුවන් සේවය සුදුසුකම් ලබා ගැනීමේ සන්ධිස්ථානයකි.
“SriLankan Direct Connect අපගේ බෙදාහැරීමේ ජාලය පුළුල් කිරීමටත්, ඉතුරුම් සහ කාර්යක්ෂමතාව ප්‍රශස්ත කිරීමටත්, අප ව්‍යාපාර කරන ආකාරය වෙනස් කිරීමටත් උපකාරී වනු ඇත” යනුවෙන් ශ්‍රීලංකන් ගුවන් සමාගමේ ලෝක ව්‍යාප්ත විකුණුම් සහ බෙදාහැරීමේ ප්‍රධානී දිමුතු තෙන්නකෝන් පැවසීය.
