මහ බැංකුව බ්‍රහස්පතින්දා එහි අධ්‍යක්ෂ මණ්ඩල රැස්වීමේදී මෙම තීරණය ගෙන ඇති අතර, FY23 හි දෙවන භාගය සඳහා මුදල් ප්‍රතිපත්තිය ද ප්‍රධාන වශයෙන් අනුමත කරන ලදී.
? බිස්නස් ස්ටෑන්ඩර්ඩ් –
දකුණු ආසියාතික රට විනාශකාරී ආර්ථික අර්බුදයෙන් ගොඩ ඒම මධ්‍යයේ බංග්ලාදේශ බැංකුව විසින් ශ්‍රී ලංකාවට ඩොලර් මිලියන 200 ක ණය ආපසු ගෙවීමේ කාලය මේ වසරේ සැප්තැම්බර් දක්වා මාස හයකින් දීර්ඝ කර ඇත. මහ බැංකුව බ්‍රහස්පතින්දා පැවති එහි අධ්‍යක්ෂ මණ්ඩල රැස්වීමේදී මෙම තීරණය ගෙන ඇත.
බංග්ලාදේශ බැංකුව 2021 අගෝස්තු මාසයේදී ප්‍රථම වරට ශ්‍රී ලංකාවට ඩොලර් මිලියන 50ක් ණයට දුන්නේය. පසුව එය අදියර දෙකකින් තවත් ඩොලර් මිලියන 150ක් ලබා දුන්නේය. ණය බරින් මිරිකී සිටින ශ්‍රී ලංකාව මේ වසරේ මාර්තු මාසය ඇතුළත ණය ගෙවීමට නියමිතව තිබුණි. ශ්‍රී ලංකා මහ බැංකු අධිපති නන්දලාල් වීරසිංහ පසුගිය ඔක්තෝම්බර් මාසයේදී බංග්ලාදේශ බැංකු අධිපති අබ්දුර් රවුෆ් තලුක්දර් සමඟ පැවති සාකච්ඡාවකදී ද නියමිත වේලාවට ආපසු ගෙවන බව ප්‍රකාශ කළේය.
මේ අතර, බංගලාදේශ බැංකුවේ බ්‍රහස්පතින්දා පැවති අධ්‍යක්ෂ මණ්ඩල රැස්වීම FY23 හි දෙවන භාගය සඳහා වන මුදල් ප්‍රතිපත්තිය ද ප්‍රධාන වශයෙන් අනුමත කළ බව බංග්ලාදේශ බැංකු ප්‍රකාශක සහ විධායක අධ්‍යක්ෂ Md Mezbaul Haque TBS වෙත තහවුරු කළේය.
රෂිකා හෙන්නායක
