සුරාබදු දෙපාර්තමේන්තුවේ ප්‍රාදේශීය කාර්යාලවල සේවය කරන ඇතැම් නිලධාරීන්ගේ දූෂිත කටයුතු පිළිබඳව ශ්‍රී ලංකා මත්පැන් බලපත්‍රධාරීන්ගේ සංගමය සුරාබදු කොමසාරිස් ජනරාල් උදය කුමාර පෙරේරා මහතාට ලිඛිතව පැමිණිලි කර තිබේ.
මත්පැන් බලපත්‍ර අලුත් කිරීමේදී අවශ්‍ය ලේඛන ලබාදීම සඳහා මත්පැන් සහ මුදල් ඉල්ලා තර්ජනය කිරීම, ඇතැම් නිලධාරීන් සිය පවුලේ සාමාජිකයින්ගේ නමට මත්පැන් බලපත්‍ර ලබාගෙන තිබීම, එසේ ලබාගත් බලපත්‍ර අතිවිශාල මුදලකට විකුණා තිබීම, ඇතැම් නිලධාරීන් විශාල වශයෙන් අයථා වත්කම් රැස්කරගෙන තිබීම යනාදී සිද්ධීන් සම්බන්ධයෙන් නම් ගම් සහිතවම එම සංගමය පැමිණිලි කර තිබීම විශේෂත්වයකි.
ශ්‍රී ලංකා මත්පැන් බලපත්‍රධාරීන්ගේ සංගමය විසින් අල්ලස් හෝ දූෂණ චෝදනා විමර්ශන කොමිසමට සහ මූල්‍ය අපරාධ කොට්ඨාසයට පිටපත් සහිතව සුරාබදු කොමසාරිස් ජනරාල්වරයාට යොමු කර ඇති සම්පූර්ණ ලිපිය පහතින් දැක්වේ.
