සමගි ජන බලවේගයේ මහර ආසන සංවිධායකවරයා වශයෙන් පත්වූ හසිත් ගුණසේකර එය සමරමින් පෙරහැරකින් පැමිණෙන ආකාරයත් පාදයක ආබාධයක් සහිත දළ ඇතෙකු එම පෙරහැරෙහි ගෙනයන ආකාරයත් ඊයේ (15) දිනයේදී සමාජ මාධ්‍ය ඔස්සේ වාර්තා වී තිබිණි.
රාමා නමැති මෙම ඇතාගේ එක් ඉදිරි පාදයක් නොනැමෙන අතර එහි යටිපතුල ද ඉදිමී ඇති බවත් එහෙයින් එම ඇතා කොරගසමින් පෙරහැරේ ගිය බවත් එම වාර්තාවල සඳහන් විය. ඒ අනුව මෙම ක්‍රියාව සම්බන්ධයෙන් සමාජ මාධ්‍ය තුළ සජබ පක්ෂයටත් විවේචන එල්ල වී ඇති ආකාරය දක්නට ලැබිණි.
මෙම පුවත දුටු වහාම සමගි ජන බලවේගයේ නායක, විපක්ෂ නායක සජිත් ප්‍රේමදාස මහතා අදාළ ආසන සංවිධායකවරයා අමතා එම ක්‍රියාවෙහි වරද පෙන්වා දී නැවත එවන් කටයුතුවල නොයෙදෙන ලෙස තරයේ අවවාද කර ඇති බව පක්ෂ ආරංචිමාර්ග ප්‍රකාශ කළේය.
SJB Mahara organisor Hasitha celebrating being appointed as an organisor using limping tusker Rama, who is clearly suffering from a stiff front right leg and swollen foot. How does SJB call itself "GREEN"❓ @sajithpremadasa @HarshadeSilvaMP @EranWick @DrKavindaJ @peta @HSIGlobal pic.twitter.com/TfdzIC3BNn
— RARE Sri Lanka (@RARE_SriLanka) January 15, 2023
RN