නවවැනි පාර්ලිමේන්තුවේ දෙවැනි සැසිවාරය හෙට (18) පෙරවරුවේ ආරම්භවීමට නියමිතය. ජනාධිපති ගෝඨාභය රාජපක්ෂ මහතාගේ ප්රධානත්වයෙන් නව සැසිවාරය ආරම්භ වන අතර ඉන් අනතුරුව පෙරවරු 10 ට පමණ ජනාධිපතිවරයා විසින් ආණ්ඩුවේ ප්රතිපත්ති ප්රකාශය පාර්ලිමේන්තුව වෙත ඉදිරිපත් කරනු ඇත.
නව සැසිවාරය ආරම්භ කිරීමේ උත්සවය ආචාර වෙඩිමුර, රථ පෙළපාලි නොමැතිව සංවිධානය කරන ලෙස ජනාධිපතිවරයා උපදෙස් ලබා දී ඇති අතර ඒ අනුව චාම් උත්සවයක් පැවැත්වීමට සූදානම් කර ඇති බවයි පාර්ලිමේන්තු ප්රධානීන් පවසන්නේ. පාර්ලිමේන්තුවට පිවිසෙන ජනාධිපතිවරයා පිළිගැනීම සඳහා පොලිස් සංස්කෘතික කොට්ඨාසයේ දායකත්වයෙන් සංස්කෘතිකාංග කිහිපයක් පමණක් සූදානම් කර තිබෙනවා.
UN
