9 වැනි පාර්ලිමේන්තුවේ දෙවැනි සැසිවාරය අද (18) ජනාධිපති ගෝඨාභය රාජපක්ෂ මහතාගේ ප්‍රධානත්වයෙන් ආරම්භ කිරීමට නියමිතව තිබේ.
ඒ අනුව අද පෙරවරු 10.00 ට ජනාධිපතිවරයා විසින් රාජාසන කතාව පැවැත්වීමට නියමිතය.
මෙවර පාර්ලිමේන්තු සැසිවාරය ආරම්භ කිරීමේ උත්සවය ඉතාම චාම් ආකාරයෙන් සැලසුම් කර ඇති බව සඳහන්.
මෙම අවස්ථාවට විදේශ තානාපතිවරුන් ඇතුළු සම්භාවනීය අමුත්තන් රැසක් ද සහභාගී වනු ඇත.
සම්ප්‍රදායානුකූලව අද දිනයේ ජනාධිපතිවරයා විසින් ආණ්ඩුවේ ප්‍රතිපත්ති ප්‍රකාශය සඳහන් රාජාසන කතාව පැවැත්වීමෙන් අනතුරුව අද දිනයට අදාළ පාර්ලිමේන්තුවේ වැඩකටයුතු අවසන් කර සභාව කල් තැබෙනු ඇත.
RN
