නව ජනාධිපති ලේකම් ලෙස ගාමිණී සෙනරත් මහතා අද (19) ජනාධිපති ලේකම් කාර්යාලයේදී රාජකාරි ආරම්භ කළේය.
ජනාධිපති ලේකම් ධූරයේ රාජකාරී කළ ආචාර්ය පී.බී. ජයසුන්දර මහතා එම ධූරයෙන් පසුගියදා ඉල්ලා අස් වූ අතර ඒ අනුවයි ගාමිණී සෙනරත් මහතා ඊට පත්වන්නේ.
එතෙක් ඔහු අග්‍රාමාත්‍ය ලේකම් ධුරයේයි කටයුතු කරන ලද්දේ.
1984 වසරේදී ශ්‍රී ලංකා පරිපාලන සේවයට එක්වූ ගාමිණී සෙනරත් මහතා ආගමන විගමන දෙපාර්තමේන්තුවේ නියෝජ්‍ය පාලක, මෝටර් රථ ප්‍රවාහන දෙපාර්තමේන්තුවේ කොමසාරිස්, අග්‍රාමාත්‍ය අතිරේක ලේකම්, අග්‍රාමාත්‍ය කාර්ය මණ්ඩල ප්‍රධානී ඇතුළු ජ්‍යෙෂ්ඨ තනතුරු රැසක් දරා තිබේ.
මාතර රාහුල විද්‍යාලයෙන් සහ ගාල්ල රිච්මන්ඩ් විද්‍යාලයෙන් පාසල් අධ්‍යාපනය ලැබූ ගාමිණී සෙනරත් මහතා කැලණිය විශ්වවිද්‍යාලයේ උපාධිධරයෙකි.
ASK
