කොළඹ LNW:2029 ජනාධිපතිවරණ ජන්ද විමසීමේදී නාමල් රාජපක්ෂ මහතාව ජනාධිපතිවරයා ලෙස පත්කර ගැනීමට කාන්තාවන් සූදානමින් සිටින බව ශ්රී ලංකා පොදුජන පෙරමුණ නියෝජනය කරන රංගන ශිල්පිනි රුවන්ති මංගලා මහත්මිය පවසයි.
නිවෙස්වල පැවැත්වෙන සාකච්ජාවලදී කාන්තාවන් එලෙස පවසන බවයි ඇය සඳහන් කරන්නේ.
ගියවර මැතිවරණ ප්රචාරණ කටයුතු වෙනුවෙන් කාලය ප්රමාණවත් නොවුණු බවද ඇය කියාසිටියි.
කාලය ප්රමාණවත් නොවීම නිසා බොහෝ තැන්වලට යාමටද නොහැකි වූ බවයි ඇය කියාසිටින්නේ.
එමෙන්ම කාලය ප්රමාණවත් නොවීම නිසා ඇතැම් කාන්තාවන්ට ජන්දය දැමීමටද නොහැකි වී තිබෙන බව ඇය පවසයි.
”ගියපාර එකවර ජන්දයක් ආවා. කාන්තාවන්ට හිතාගන්න බැරිවුණා කවුද ඉදිරිපත්වෙන්නේ කියල හොයාගන්නත් බැරිවුණා. ගොඩක් තැන්වලට අපිට යන්න අවස්ථාව ලැබුණේ නැහැ මැතිවරණ වෙලාවේදී. අයියෝ ඇයි අපේ පැත්තට ආවේ නැත්තේ අපි මහින්ද රාජපක්ෂ මැතිතුමාත් එක්ක ඉන්නේ. අපි අතරමං වෙලා හිටියේ කාටද අපි මේ ජන්දය මේ පාර භාවිතා කරන්නේ කියල කිව්වේ. සමහර අපේ කාන්තාවෝ ජන්දය දාන්න ගියෙත් නැහැ. මොකද ජන්දය ආවේ ඉක්මණින්. ඒගොල්ලන්ට ඒ අවස්ථාව අහිමිවුණා.” යනුවෙන් ඇය සඳහන් කරයි.
ආශිකා බ්රාහ්මණ
