*
දේශීය පුවත් විස්තරය: සාරාංශය 01/22
- යාපනය දිස්ත්රික් පාර්ලිමේන්තු මන්ත්රී එස් ශ්රීතරන් රහස් ඡන්දයෙන් ඉලංකෙයි තමිල් අරසු කච්චි පක්ෂයේ නායකයා ලෙස තේරී පත් වෙයි – පාර්ලිමේන්තු මන්ත්රී එම් ඒ සුමන්තිරන් සහ හිටපු පාර්ලිමේන්තු මන්ත්රී සිනීතම්බි යෝගේස්වරන් ගේ අභියෝගය ජය ගනී.
- චෙන්නායි හි ශ්රී ලංකා නියෝජ්ය මහ කොමසාරිස් කාර්යාලය “තමිල්නාඩුවේ නැවත පදිංචි වූ ශ්රී ලාංකිකයන්” වෙත පළමු විදේශ ගමන් බලපත්ර තොගය ලබා දෙයි – මෙම මුලපිරීම ජනාධිපති රනිල් වික්රමසිංහ මහතාගේ මගපෙන්වීම යටතේ ක්රියාත්මක කර ඇත.
- මීට පෙර රුපියල් 35ට අලෙවි කළ ආනයනික බිත්තරයක් පසුගියදා වැට් බදු පැනවීමෙන් පසු රුපියල් 43 දක්වා ඉහළ යනු ඇතැයි වෙළෙඳ ඇමැති නලින් ප්රනාන්දු පවසයි.
- “විශ්ව බුද්ධ” යැයි කියමින් බුදු දහමට නිගා දෙන බව කියන ප්රකාශ නිකුත් කළ චීවරධාරියා පොලිසිය අත්අඩංගුවට ගනී – ගංගොඩවිල මහේස්ත්රාත්වරයා ජනවාරි 26 දක්වා ඔහුව රක්ෂිත බන්ධනාගාරගත කරයි.
- කරාපිටිය ශික්ෂණ රෝහලේ කාන්තා කාර්ය මණ්ඩල සාමාජිකාවකට පහරදුන් බව කියන සිද්ධියසම්බන්ධයෙන් මීට පෙර අත්අඩංගුවට ගත් කරාපිටිය රෝහලේ ජ්යෙෂ්ඨ පිළිකා රෝග විශේෂඥ වෛද්යවරයා විසින් කරන ලද පැමිණිල්ලකට අනුව එම රෝහලේ සුළු කාර්ය මණ්ඩල සාමාජිකයින් තිදෙනෙකු අත්අඩංගුවට ගෙන තිබේ.
- හෙරොයින් කිලෝග්රෑම් 65ක් සන්තකයේ තබාගෙන දකුණු මුහුදු තීරයේදී ට්රෝලර් යාත්රා 2කින් නාවික හමුදාව විසින් අත්අඩංගුවට ගත් සැකකරුවන් 11 දෙනෙකු දින 7ක රැඳවුම් නියෝග නිකුත් කරමින් කොටුව මහේස්ත්රාත්වරයා නියෝග කරයි.
- මැතිවරණ කොමිසමේ සභාපති ආර් එම් ඒ එල් රත්නායක පවසන්නේ මෙම වසරේ ජනාධිපතිවරණයට පෙර මැතිවරණ කොමිසම ප්රචාරක මූල්ය නීති ක්රියාත්මක කිරීම ආරම්භ කරන බවයි.
- “ණය ප්රතිව්යුහගත කිරීම” සම්බන්ධ ගිවිසුම් අවසන් කිරීම සහ විදේශීය ණය හිමියන් සමඟ සිදු කෙරෙන සාකච්ඡාවලින් අනතුරුව සංවර්ධන යෝජනා ක්රම 2024 පෙබරවාරි වැනිදා යළි ආරම්භ කිරීමට නියමිත බව කැබිනට් ප්රකාශක සහ අමාත්ය ආචාර්ය බන්දුල ගුණවර්ධන පවසයි.
- CCTV දර්ශන පදනම් කරගෙන බස් හිමියන්ට දඩ පත්රිකා යැවීමේ ක්රියාමාර්ගය පොලිසිය ක්රියාත්මක කළහොත් තම සංගමය බස් ධාවනයෙන් වළකින බව ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න පවසයි – බස් රථවල වැරදිවලට අදාළ දඩ පත්රිකා බස් රථයේ හිමිකරු වෙත යැවීම අසාධාරණ බව අවධාරනය කරයි.
- වයස අවුරුදු 19න් පහළ ලෝක කුසලාන ක්රිකට් තරගාවලියේ දී ශ්රී ලංකා කණ්ඩායම ලකුණු 39කින් සිම්බාබ්වේ කණ්ඩායම පරාජය කරයි – ශ්රී ලංකා – 204 (පන්දුවාර 48.3), ඩී කළුපහන 60: සිම්බාබ්වේ – 89 (පන්දුවාර 21.1), එම්.තරුපති 4/17