රජයේ සේවකයන්ගේ මාසික වැටුප් ගෙවන දිනයන් පිළිබඳ මුදල් අමාත්යංශය විසින් නිවේදනයක් සිදුකර තිබේ.
ඒ අනුව, විධායක නොවන ශ්රේණියේ රජයේ සේවකයන්ගේ මාසික වැටුප් ජනවාරි 25 වන දින ද, විධායක ශ්රේණියේ රජයේ සේවකයන්ගේ මාසික වැටුප් එදිනම හෝ ඊට පසු දින, ජනවාරි 26 වන දින ගෙවන බවයි මුදල් රාජ්ය අමාත්ය රංජිත් සියඹලාපිටිය මහතා ප්රකාශ කර සිටියේ.
රටේ පවතින මූල්ය අර්බුදය හේතුවෙන් රජයේ සේවකයන්ගේ වැටුප් ගෙවීම දින කිහිපයකින් ප්රමාද වනු ඇති බවට ඉකුත් සතියේ රජය විසින් නිවේදනය කර තිබිණි.
මෙම වර්ෂය සඳහා වූ රජයේ ආදායම් සැලැස්ම අනුව එකී ප්රමාදය සිදු කිරීමට පියවර ගෙන තිබූ අතර, ජනාධිපති රනිල් වික්රමසිංහ මහතා මුදල් අමාත්යවරයා වශයෙන් ඉදිරිපත් කළ යෝජනාවක් හරහා රජයේ වියදම් කලමනාකරණය කර ගැනීමට රජයේ සේවකයන්ගේ වැටුප් ගෙවීම පමා කර තිබිණි.
MIAP
