කොළඹ LNW:නැගෙනහිර පළාත් ආණ්ඩුකාර කාර්යාලයේ මාසික ඉන්ධන වියදම රු.ලක්ෂ 16ත් 20ත් අතර සීමාවේ සිට රු. ලක්ෂ 02ත් 03ත් දක්වා අඩුකර ඇතැයි වාර්තා වෙයි.
නැගෙනහිර පළාත් ආණ්ඩුකාර මහාචාර්ය ජයන්ත ලාල් රත්නසේකර මහතාගේ මූලිකත්වයෙන් ආණ්ඩුකාර කාර්යාලයේ පැවති රැස්වීමක දී මේ බව අනාවරණය වී ඇත.
රාජ්‍ය සම්පත් පරිහරණයේ දී කාර්යක්ෂමතාවය සහ වගකීම ඉහළ නැංවීමට ගතයුතු ක්‍රියාමාර්ග පිළිබදව එම රැස්වීමේදී විශේෂ අවධානයකට ලක්ව ඇති අතර
එම රැස්වීම සදහා නැගෙනහිර පළාත් සභාවේ අමාත්‍යංශ ලේකම්වරු සහ දෙපාර්තමේන්තු ප්‍රධානීන් සහභාගී වී තිබේ.
මේ අතර සෑම අමත්යවරයෙකුට සහ නියෝජ්‍ය අමාත්‍යවරයෙකුට හිමිව තිබුණු රාජකාරී නිල වාහන 3 සිට 2 දක්වා අඩු කිරීමටත් මාසික ඉන්ධන දීමනාව ලීටර 1950 සිට ලීටර 900 දක්වා අඩුකිරීමටත් ජාතික ජන බලවේගයේ ආණ්ඩුව තීරණය කර තිබේ.
ආශිකා බ්‍රාහ්මණ
