රෂිකා හෙන්නායක ජනවාරි 25, කොළඹ (LNW):
ලබන අප්රේල් මාසය තුළ, පළාත් පාලන ආයතන ඡන්ද විමසීම සිදුකිරීමට හැකියාව ලැබෙනු ඇතැයි අපේක්ෂා කරන බව මැතිවරණ කොමසාරිස් ජනරාල් සමන් ශ්රී රත්නායක මහතා පවසයි.
ඔහු පැවසූවේ, පළාත් පාලන ඡන්ද විමසීම පිළිබඳ විශේෂ විධිවිධාන පනත් කෙටුම්පත පාර්ලිමේන්තුවේ දී සම්මත වීමෙන් පසු ඡන්ද විමසීම පිළිබඳව තීන්දු තීරණ ගැනීමේ හැකියාව පවතින බවයි. සමන් ශ්රී රත්නායක මහතා, මාතර ප්රදේශයේ පැවති වැඩසටහනකට එක්වෙමින් ඒ බව කියා සිටියේය.
මැතිවරණ කොමසාරිස් ජනරාල් සමන් ශ්රී රත්නායක මහතා එහිදී වැඩිදුරටත් පැවසූවේ, මැතිවරණ සම්බන්ධ සිද්ධීන් විභාග කිරීම සඳහා වෙනමම අධිකරණයක් ස්ථාපිත කිරීමේ අවශ්යතාව ඇති බවයි.
