තමන් මේ රටේ බලය ගත්තේ ආපසු දීමට නොවන බවත් බලය ලබාගැනීමට දැරූ වෙර මෙන් දහ ගුණයක් වෙර දරා හෝ දිගටම බලය පවත්වාගෙන යන බවත් ආරක්ෂක නියෝජ්ය අමාත්ය මේජර් ජනරාල් (විශ්රාමික) අරුණ ජයසේකර මහතා පවසයි.
“පණිවිඩයක් ආවා මොකක්ද, යෝෂිත රාජපක්ෂ අධිවේගී මාර්ගයේදී අත් අඩංගුවට. හරිනෙ ? ඕක ඊයෙ රෑ අපි ඇතුළෙ කතාවුණා. කතාවුණා කියන්නෙ මටත් මේ විස්තරයක් කිව්වා, අපි එතකල් එළියට දැම්මෙ නෑ. එතකොට දැන් ඉතින් කියයි “අපෝ එයා මදිනෙ, එයා අරගෙන තව එක්කෙනෙක් ගන්න ඕනෙ” කියලා. මේ ලේසියෙන් බෑ මේ නීත්යානුකූලව, නීති පද්ධතිය, පොලීසිය, පරීක්ෂණ කටයුතු ඒවා හරියට කරලා තමයි කටයුතු කරන්නෙ. නිකම් ඔබටයි මටයි ඕනෙ විදියට අර මර්වින් සිල්වා වෙන්න බෑනෙ අපි ඔක්කොටම.
ඔවුන් බයවෙලා ඉන්නෙ. අපි දැන් ඉදිරියට යායුත්තෙ. අතාරින්න එපා. මේක අපි ගත්තෙ දෙන්න නෙවෙයි. ඇයි කියයි, “ආපෝ නෑ, ඔය ආවානෙ ත්රීවීලර්වල කෑලි ගලවලා, බස් ගලවලා, කෝ නෑනෙ හොරු අල්ලනවා, පොල් නෑ, හාල් ගණන්”. එහෙම තමයි. රටට වින්නැහි කරපු ඔක්කොම යවලා ගත්තෙ මේ බලය ආයෙ දෙන්නද ? ලේසියෙන් දෙන්න ? අපි එකතු කරලා ? හොඳයි අපට බැරිවුණා කියමුකො මේක කරන්න පළවෙනි මාස හයේ ? ඒත් අපි දෙන්නද ? දෙන්නෙ නෑ පුතේ මේක ආයෙ. මේක දෙන්නෙ නැහැ. මේක හදලාම තමයි යන්නෙ. බලය ගන්න අපි දරපු වෙර මෙන් දහ පහළොස් ගුණයක් වෙර දරන්න වෙනවා අපේ රජය පවත්වාගන්න. තියාගන්න. මේක අතාරින්න බැහැ”
ආරක්ෂක නියෝජ්ය අමාත්යවරයා මේ බව පැවසුවේ ඊයේ (ජනවාරි 25) හම්බන්තොට ප්රදේශයේ පැවති උත්සවයක් අමතමිනි.
