සටහන: සශිකලා මධුෂාණි
ජනවාරි 30; ලෝකය(අවුට්බවුන්ඩ් ටුඩේ) : එක්සත් ජනපදයේ ලේඛනගත නොකළ සංක්‍රමණිකයන් රඳවා තබා ගැනීම වෙනුවෙන් කියුබාවේ ගුවන්තනාමෝ හි නව රැඳවුම් මධ්‍යස්ථානයක් ඉදිකිරිමට ඩොනල්ඩ් ට්‍ර්ම්ප් නියෝග කර ඇති බව වාර්තා වේ.
එක්සත් ජනපදයේ වෙසෙන මිලියන 11කට ආසන්න ලේඛනගත නොවූ ජනතාව ඉලක්ක කර ගනිමින් ඩොනල්ඩ් ට්‍ර්ම්ප් ඊයේ(29)දිනයේදී ලේකන් රිලී පනතට අත්සන් තැබීමත් සමඟ මෙම විධායක නොයෝගය ගෙන තිබු අතර මාධ්‍ය අමතමින් ජනාධිපතිවරයා සඳහන් කර තිබුණේ, ඔවුන්ගෙන් සමහරක් ඉතා නරකයි, අපි ඔවුන්ව තබා ගැනීමට රටවල් විශ්වාස නොකරමු, මන්ද ඔවුන් නැවත පැමිණීමට අපට අවශ්‍ය නැති නිසා අපි ඔවුන්ව ගුවන්තනාමෝ වෙත යවන බවයි.
ගුවන්තනාමෝ රැඳවුම් මධ්‍යස්ථානය තුළ අමානුෂික ලෙස සැලකීම සහ නීතිමය රැකවරණයක් නොමැතිකම හේතුවෙන් එය වසා දමන ලෙස මානව හිමිකම් සංවිධාන දිගු කලක් තිස්සේ ඉල්ලා ඇත. මෙම මධ්‍යස්ථානය සැකකරුවන් සඳහා රැඳවුම් පහසුකමක් ලෙස 2002 දී විවෘත කරන ලද අතර බොහෝ රැඳවියන් නඩු විභාගයකින් තොරව වසර ගණනාවක් රඳවා තබා ගැනීමට භාවිතා කර තිබේ.
