සටහන – රෂිකා හෙන්නායක
ජනවාරි 30 කොළඹ (LNW): මාලදිවයිනේ වෙසෙන ජනතාවට සිදුවන හදිසි අනතුරු සහ රෝගාතුරවීම් හේතුවෙන් ප්‍රතිකාර ලබා ගැනීමට ශ්‍රී ලංකාවට කඩිනමින් පැමිණීමට අවශ්‍ය ගිලන් ගුවන් ප්‍රවාහන සේවාවක් ආරම්භ කිරීමට අවධානය යොමුව ඇත.
මාලදිවයිනේ ගුවන්සේවා අමාත්‍යවරයා කියා සිටියේ මේ දක්වා මාලදිවයින් වැසියන් හදිසි ප්‍රතිකාර ලබා ගැනීමට ඉන්දියාවට රැගෙන ගිය බවත්, එහෙත් ශ්‍රී ලංකාවේ හදිසි ප්‍රතිකාර කටයුතුවල ගුණාත්මකභාවය සැලකිල්ලට ගනිමින් ඉදිරියේදී එවැනි රෝගීන් ශ්‍රී ලංකාවේ රෝහල්වලතර ප්‍රතිකාර සඳහා එවිමටයි මාලදිවයින් රජය තීරණය කර ඇත්තේ.
මෙම වැඩපිළිවෙල පිළිබඳව අමාත්‍යවරුන් දීර්ඝ වශයෙන් සාකච්ඡා කර ඇති අතර එහි පළමු අදියර යටතේ මාලදිවයින සිට කටුනායක ගුවන්තොටුපොල අතර මෙම ගුවන් ප්‍රවාහන සේවාව ලබන මාර්තු 01 වනදා ආරම්භ කිරීමට නියමිතයි.
