සටහන – රෂිකා හෙන්නායක
පෙබරවාරි , 02 කොළඹ (LNW): ගිනි ගෙන මුහුදුබත් වූ X-Press Pearl නෞකාවෙන් සිදුවූ හානියට වන්දි ලබා ගැනිමට පනවා ඇති සීමාවලට එරෙහිව නීතිපතිවරයා විසින් බ්රිතාන්ය අද්මිරාල් මහාධිකරණය හමුවේ විරෝධතා ගොනු කර ඇති බව සඳහන් වේ.
ඉකුත් 26 වැනිදා එම විරෝධතා ගොනු කළ බව නීතිපති දෙපාර්තමේන්තුව පවසයි.
බ්රිතාන්ය අද්මිරාල් මහාධිකරණය නෞකාව අයත් සමාගමෙන් ලක් රජයට ලබා ගත හැකි වන්දිය ස්ටාලින් පවුම් මිලියන 19.5 කට සීමා කරමින් නියෝගයක් නිකුත් කර තිබුණි.
ඊට එරෙහිව මෙම විරෝධතා ගොනු කර ඇති අතර, ඒ අනුව නඩුව මේ මාසයේදී කැඳවීමට දින නියම කෙරෙනු ඇත.
මේ අතර,නීතිපති දෙපාර්තමේන්තුව සඳහන් කළේ, සිංගප්පූරු ජාත්යන්තර වානිජ මහධිකරණය හමුවේ නෞකා සමාගමෙන් වන්දි අයකර ගැනීම සඳහා පනවා ඇති නඩුවට අදාළව සවිස්තරාත්මක ප්රකාශයක්ද පසුගිය 29 වැනිදා අධිකරණයට ඉදිරිපත් කළ බවය.
