සටහන – පුලී
පෙබරවාරි 03, ලෝකය (අවුට්බවුන්ඩ් ටුඩේ): වයස අවුරුදු 31 දී එනම් පිරිමියෙකුගේ හොඳම වයසට පැමිණි මුලම ඛේදජනක මරණයකින් අවසන් ගමන් ගිය ඔහු නමින් Liam Payne ය. මෙලොව හැර ගොස් මාස තුනකට පසුව, 2025 ග්‍රැමී සම්මාන උළෙලේදී ඔහුගේ නොමැකෙන නාමය යළිත් සිහි කෙරිණි.
67වන ග්‍රැමී සම්මාන උළෙලේ මතකාවර්ජනය තුළින් ඉකුත් ඉරිදා රාත්‍රිය ආරම්භ කළේ ලියම්ගේ සහ ඔහුගේ හිටපු One Direction සංගීත කණ්ඩායමේ සාමාජිකයින් වන Harry Styles, Niall Horan, Louis Tomlinson සහ Zayn Malik විසින් වසර ගණනාවක් පුරා මතකය එක්මුසු වූ විවිධ ක්ලිප් සමඟිනි.
මෙම දර්ශනයත් සමඟම, Coldplay හි Chris Martin වේදිකාවට නැඟී, මෘදු ලෙස සිය හඬ අවධි කරමින් “All My Love” ගීතය ආරම්භ කළේය.
පියානෝ වාදනය ද සමඟින් Chris තම ගායනය කරන විට, Liam Payne ඇතුළු කලා ලොවට අහිමි වූ කලාකරුවන්ගේ රූප රටා තිරය පුරා එළි දැක්වෙන්නට විය.
මෙම සිදුවීම ග්‍රැමී සම්මාන උළෙලට සහභාගී වූවන් හැඟීම්බර ලෝකයකට කැඳවාගෙන ගියා නොඅනුමානය.
