රාගම වෛද්‍ය පීඨයේ සිසුන් පිරිසකට පහරදීමේ සිද්ධියට අදාළව රාජ්‍ය අමාත්‍ය අරුන්දික ප්‍රනාන්දු මහතාගේ පුත්‍රයා ඊයේ (02) රාත්‍රියේ රාගම පොලිස් ස්ථානයට භාරවී ඇති බව වාර්තා වේ.
නීතීඥවරයෙකු මාර්ගයෙන් රාගම පොලිසියට බාර වී ඇති ඔහු වලව්වත්ත, දංකොටුව ප්‍රදේශයේ පදිංචි 23 හැවිරිදි පුද්ගලයෙකි.
එමෙන්ම මෙම පහරදීම සඳහා ඔවුන් පැමිණි BMW වර්ගයේ මෝටර් රථයක් ද කළුබෝවිල ප්‍රදේශයේදී රාගම පොලිසිය භාරයට ගෙන ඇති බව සඳහන්.
ඒ අනුව මෙම පහරදීම සම්බන්ධයෙන් මේ වනවිට 07 දෙනෙකු අත් අඩංගුවට ගෙන ඇති අතර ඔවුන් හඳුනාගැනීමේ පෙරෙට්ටුවක් සඳහා වැලිසර මහේස්ත්‍රාත් අධිකරණය හමුවට ඉදිරිපත් කිරීමට නියමිතව ඇත.
RN
