සටහන – රුවන් නෙළුගොල්ල
කොළඹ කොටස් වෙළඳපොලේ මිල දර්ශක අද (පෙබරවාරි 05) දිනයේදී දැවැන්තම කඩා වැටීමක් වාර්තා කළේය.
අද දිනයේදී සියලු කොටස් මිල දර්ශකය (ASPI) ඒකක 500.39 කින් පහළ ගොස් ඒකක 16,456.10 ක් ලෙසින් සටහන් විය.
S&P SL20 මිල දර්ශකය ද ඒකක 167.18කින් පහළ ගොස් ඒකක 4,898.04ක් ලෙසින් සටහන් වී තිබිණි.
2022 අප්රේල් මස 26 වන දින මෙතෙක් ඉතිහාසයේ තනි දිනක් ඇතුළත කොළඹ කොටස් වෙළෙඳපොළ සියලු කොටස් මිල දර්ශකය පහළ ගිය වැඩිම ඒකක ගණන ලෙසින් ඒකක 608.50ක පහළ යාමක් වාර්තා වී තිබුණු අතර එයින් පසු එක් දිනක් තුළ වැඩිම පහළ යාම වශයෙන් වාර්තා වන්නේ අද දිනයයි.
ගනුදෙනු සඳහා විවෘතව පැවති පසුගිය දින කිහිපයේදීම කොළඹ කොටස් වෙළඳපොල යම් පසුබෑමක් පෙන්නුම් කරන අයුරු දක්නට ලැබිණි.
