කොළඹ LNW:සන්ඩේ ලීඩර් පුවත්පතේ හිටපු කර්තෘ ලසන්ත වික්‍රමතුංග මහතා ඝාතනය කිරීමට අදාළ නඩුවේ සැකකරුවන් තිදෙනෙකු මුදාහැරීමට නීතිපතිවරයා විසින් නිර්දේශ කිරීමට විරෝධය දක්වමින් අද (06) නීතිපති දෙපාර්තමේන්තුව ඉදිරිපිට තරුණ ජනාමධ්‍යවේදීන්ගේ සංගමය විසින් විරෝධතාවක් සංවිධානය කර තිබුණි.
ඊට ජනමාධ්‍යවේදීන් ඇතුළු සිවිල් ක්‍රියාකාරිකයින් සහභාගී වී සිටි අතර යුක්තිය අපේක්ෂා කරන සියලුම දෙනාට ඊට එක්වන ලෙසයි තරුණ ජනමාධ්‍යවේදීන්ගේ සංගමය ආරාධනය කර තිබුණේ.
ලසන්ත වික්‍රමතුංග මහතාගේ ඝාතන සිද්ධිය සම්බන්ධයෙන් වන නඩුවේ සැකකරුවන් තිදෙනෙකු මුදාහැරීමට නීතිපතිවරයා විසින් දී තිබෙන නිර්දේශය මේ වාන් විට සමාජය තුළ කැළඹීමක් නිර්මාණය කර තිබෙන අතර නීතිපතිවරයාට සිය ධූරය අතහරින ලෙසද බලපෑම් කරමින් තිබේ.
මේ අතර නීතිපතිවරයා මෙවැනි නිර්දේශයක් ඉදිරිපත් කිරීම පිටුපස පවතින අභ්‍යන්තර හේතුද අනාවරණය විය යුතු බවයි ඊට එරෙහිව අදහස් දක්වන්නන් පවසන්නේ.
කෙසේවෙතත් නීතිපතිවරයා විසින් ලබා දී තිබෙන මෙම නිර්දේශය සම්බන්ධයෙන් අද ජනාධිපතිවරයා සහ නීතිපති පාරින්ද රණසිංහ මහතා සාකච්ජාවක් සිදුවන බවටද වාර්තා විය.
ජායාරූප – අජිත් සෙනෙවිරත්න
සියලුම ඡායාරූප නරඹන්න
අපගේ readphotos වෙබ් අඩවිය වෙත පිවිසෙන්න.
