සටහන – රෂිකා හෙන්නායක
පෙබරවාරි , 07 කොළඹ (LNW): පාසල් අවට මත්ද්‍රව්‍ය සංසරණය වන බවට හඳුනාගත් පාසල් 4983ක් අවට පසුගිය මාස කිහිපය තුළ පොලිසිය හා පොලිස් විශේෂ කාර්ය බළකාය එකව වැටලීම් සිදුකර තිබෙන බව පොලිසිය පවසයි.
තදුරටත් මත්ද්‍රව්‍ය අවදානම පවතින බවට වාර්තාවන පාසල් 107 ආශ්‍රිතව වහාම මෙහෙයුම් සිදුකරන ලෙස වැඩබලන පොලිස්පතිවරයා ඊයේ (06) උපදෙස් දී තිබෙන බව සඳහන් වේ.
එසේම තවත් පාසල් 434ක් ආශ්‍රිතව පාසල් දරුවන් නොමග යැවීමට හැකි ස්ථාන හඳුනාගෙන ඇති බැවින් ඒවා අවටද මෙහෙයුම් තවදුරටත් සිදුකරන ලෙසටද නියෝග කර තිබෙන බවද පැවසේ.
මත්ද්‍රව්‍ය සංසරණය සිදුවන සෑම පාසලක්ම කේන්ද්‍ර කරගෙන පිහිටුවනු ලැබූ ‘පවුර’සංසද කමිටු 5133ට අදාළ කමිටු සාමාජිකයන්ගෙන් ලබාගත් වාර්තා මත මෙහෙයුම් ක්‍රියාත්මක කර ඇත.
