සටහන – රෂිකා හෙන්නායක
පෙබරවාරි , 10 කොළඹ (LNW): සංවිධානාත්මක අපරාධ සඳහා යොදාගන්නා ව්‍යාජ අංක තහඩු සහිත යතුරු පැදි දෙකක් සමඟ සැකකරුවන් දෙදෙනෙකු පොලිස් විශේෂ කාර්ය බලකාය අත්අඩංගුවට ගත් බව සඳහන් වේ.
මෙසේ අත්අඩංගුවට ගෙන ඇත්තේ, දැනට විදේශගතව සිටින සංවිධානාත්මක අපරාධකරුවෙකු වන දියගලවත්ත චුට්ටේ නමැත්තා සමඟ සමීප සබඳතා පැවැත්වූ සැකකරුවන් දෙදෙනෙකුයි.
පසුගිය කාලයේ මෙරට සිදුවූ වෙඩි තැබීම් රැසකටම මෙම යතුරුපැදි දෙක යොදාගෙන ඇති බවට සැක කෙරේ.
අත්අඩංගුවට ගෙන ඇත්තේ පනාගොඩ ප්‍රදේශයේ පදිංචි 36 හැවිරිදි පුද්ගලයෙකු හා හංවැල්ල ප්‍රදේශයේ පදිංචි 24 හැවිරිදි පුද්ගලයෙක් බව සඳහන් වේ. මොවුන් සමඟ ජංගම දුරකතනයක් ද අත්අඩංගුවට ගෙන තිබෙන බවද වාර්තා වේ.
