කොළඹ LNW:ගෝල්ෆේස් අරගලය සමයේ සිදුවූ දේපළ හානිවලට පසුගිය ආණ්ඩුවේ මැති ඇමතිවරු විසින් ලබා ගෙන තිබුණු වන්දි මුදල් පිළිබඳ අනාවරණය වීමත් සමඟ ඒ සම්බන්ධයෙන් වන සමාජ විරෝධය දැඩි වෙමින් පවතින මොහොතක ඊයේ (11) ශ්‍රී ලංකා පොදුඅජන පෙරමුණේ ප්‍රධාන කාර්යාලයේදී වන්දි ලබා ගත හිටපු මැති ඇමතිවරු කිහිප දෙනෙක් මාධ්‍ය වෙත අදහස් දක්වා සිටියහ.
එහිදී මාධ්‍ය වෙත අදහස් දක්වමින් හිටපු රාජ්‍ය ඇමතිවරයෙක් වූ කැළණිය සංවිධායක ප්‍රසන්න රණවීර පැවසුවේ තමන් ඒ කාලයේදී පැවසුවේ මුදල් අවශ්‍ය නැති බවත් නිවාස සාදා දෙන ලෙසත්ය.
තමන්ගේ නිවසට සිදුවූ අලාභ හානියට අදාළව මුදල් ලැබුණු අතර ඊට අමතරව තමන්ගේ නිවසේ තිබී මිලියන 100කට එහා වටිනා වාහන තුනකටද ගිනිබත් වූ බවයි රණවීර මහතා සඳහන් කළේ.
මැති ඇමතිවරු විසින් ලබාගෙන තිබෙන වන්දි මුදල් ප්‍රමාණය ඇති විශාල ප්‍රමාණයක් වන බවට චෝදනා එල්ල වුවද තක්සේරු දෙපාර්තමේන්තුව හරහා එය නිවැරදි කරගත යුතු බවද ඔහු ප්‍රකාශ කළේය.
ආශිකා බ්‍රාහ්මණ
