රෂිකා හෙන්නායක පෙබරවාරි 12, කොළඹ LNW :
අපරාධ පරීක්ෂණ දෙපාර්තමේන්තුව විසින් මේ වන විට තවත් විශේෂ පරීක්ෂණයක් ආරම්භ කර ඇත. ඒ, අපරාධ පරීක්ෂණ දෙපාර්තමේන්තුවේ අධ්යක්ෂගේ නම සඳහන් කරමින් ව්යාජ ලෙස සකස් කළ විද්යුත් තැපැල් පණිවිඩයක් පුද්ගලයෙකු හෝ කණ්ඩායමක් විසින් මේ දිනවල මහජනතාව වෙත යොමු කරන බවට නිරීක්ෂණය වී ඇති තොරතුරක් සම්භන්ධවයි.
පොලීසිය පවසන්නේ, අධ්යක්ෂ අපරාධ පරීක්ෂණ දෙපාර්තමේන්තුව ශානි අබේසේකර (Shani Abesekara. Director of the Criminal Investigation Department (CID), Colombo 07, Sri Lanka, NationWide Could, Protection 24/7) යනුවෙන් ව්යාජව සකස් කළ email පණිවිඩයක් පුද්ගලයෙකු හෝ කණ්ඩායමක් විසින් මෙලෙස මහජනතාව වෙත යොමු කරන බවයි.
අපරාධ පරීක්ෂණ දෙපාර්තමේන්තුව විසින් දැනුම් දී ඇත්තේ, මෙම email පණිවිඩය කිසිසේත්ම අපරාධ පරීක්ෂණ දෙපාර්තමේන්තුව මඟින් යොමු කරනු ලැබූ විද්යුත් තැපැල් පණිවිඩයක් නොවන බවයි.
[email protected], [email protected] යන විද්යුත් ලිපිනයන් මඟින් යොමු කර ඇති ඉහත ව්යාජ විද්යත් පණිවිඩ මහජනතාව රැවටීම, මුදල් වංචා කිරීම හෝ පුද්ගලික තොරතුරු ලබාගැනීම යන වංචනික ක්රියාවන් සිදුකිරීමේ අරමුණින් යොමු කර ඇති බවට පොලීසිය සැකපල කරන අතර, එමෙන්ම ඉහත පණිවිඩය යොමු කරනු ලැබූ පුද්ගලයන් හෝ කණ්ඩායම් පිළිබඳ තොරතුරු අනාවරණය කර ගැනීම හා ඒ හා සම්බන්ධව නීතිමය පියවර ගැනීම සඳහා අපරාධ පරීක්ෂණ දෙපාර්තමේන්තුව මගින් විමර්ශන ආරම්භ කර ඇති බව වාර්තා වේ.
ඒ අනුව, ඉහත විද්යුත් තැපැල් ලිපිනයන් මගින් යොමු වන පණිවිඩයේ ඇතුලත් අන්තර්ගතයට අදාළ ඔබගේ පුද්ගලික තොරතුරු ලබා දීමෙන් වළකින ලෙසට පොලීසිය මහජනතාවට කියා සිටී.
