සටහන: සශිකලා මධුෂාණි
පෙබරවාරි 14; ලෝකය(අවුට්බවුන්ඩ් ටුඩේ) : දකුණු කොරියාවේ බුසාන් වරාය නගරයේ හෝටල් ඉදිකිරීම් ස්ථානයක ඇති වූ ගින්නකින් අවම වශයෙන් පුද්ගලයින් 6 දෙනෙකු මිය ගොස් හත් දෙනෙකු තුවාල ලබා ඇති බව වාර්තා වේ.
මෙම හෝටල් සංකීර්ණය සුඛෝපභෝගී හෝටලයක් සහ නිවාඩු නිකේතන ජාලයක් වන Banyan Tree ට අයත් වන අතර මේ සම්බන්ධයෙන් වාර්තා කරමින් දකුණු කොරියාවේ යොන්හැප් පුවත් ඒජන්සිය සඳහන් කර තිබුණේ, අද(14) අලුයම ගින්න හටගෙන ඇති අතර එය ඉක්මනින් උත්සන්න වී ඇති බවයි.
බුසාන් නගරයේ ගිනි නිවන සේවය ගින්න නිවා දැමීම සඳහා ගිනි නිවන භටයින් 90 දෙනෙකු යොදවා ඇති අතර, හෝටල් අභ්යන්තරයේ සේවකයන් බේරා ගැනීම සඳහා හෙලිකොප්ටර් භාවිතා කර ඇත. පුද්ගලයන් 100 කට වැඩි පිරිසක් එම ස්ථානයෙන් ඉවත් කර ඇති නමුත් සියලුම කම්කරුවන් බේරාගෙන තිබේද යන්න බලධාරීන් තහවුරු කර නොමැත.
කෙසේ නමුත් මේ සම්බන්ධයෙන් දකුණු කොරියාවේ වැඩබලන ජනාධිපති Choi Sang-mok ප්රකශ කර තිබුණේ, පවතින සියලුම පිරිස් සහ උපකරණ අනතුර සිදුවූ ස්ථානයට යොදවා ඇති බවයි.
