සටහන – රුවන් නෙළුගොල්ල
මෙවර අයවැය ඉතිහාසයේ පළමු වරට දුප්පත් ජනතාව වෙනුවෙන් සකස් කළ අයවැය බවට පත්කරන බව නිවාස නියෝජ්‍ය අමාත්‍ය ටී. බී. සරත් පවසයි.
“ඔය පුංචි පුංචි කෑලි අල්ලගෙන එක්කො බොත්තමක ප්‍රශ්නයක්, එහෙම නැත්නම් හැරුණ එකේ ප්‍රශ්නයක්, බිම බලාගෙන ගිය එකේ ප්‍රශ්නයක්, ඔය වගේ මොනවාහරි පුංචි කෑලි අපිට කියන්නෙ. අපිට නෑ මහබැංකු කඩපු හොරු කියලා කියන්න අපිට බෑ. මේ ආණ්ඩුව ඔය පුංචි පුංචි කෙනිත්තිලි වලින් වට්ටන්න බෑ. මේ ආණ්ඩුව මේ අවුරුදු 5 විතරක් නෙවෙයි, ඉදිරි අවුරුදු 15 ම පාලනය කරන්නේ මේ ජාතික ජන බලවේගයේ ආණ්ඩුවයි. මෙවර අයවැය ලේඛනය බලන්න, ඉතිහාසයේ පළවෙනි වතාවට දුප්පත් ජනතාව වෙනුවෙන් හදන පළමු අයවැය ලේඛනය බවට මෙවර අයවැය ලේඛනය පත් කරනවා අපෙ ආණ්ඩුව”
ටී. බී. සරත් නියෝජ්‍ය අමාත්‍යවරයා මේ බව පැවසුවේ අරලගංවිල ප්‍රදේශයේ පැවති ජනහමුවක් අමතමිනි.
