සටහන – රුවන් නෙළුගොල්ල
ඉලංගෛ තමිල් අරසු කච්චි (ITAK) පක්ෂයේ නව වැඩබලන මහලේකම්වරයා වශයෙන් හිටපු පාර්ලිමේන්තු මන්ත්‍රී එම්. ඒ. සුමන්දිරන් මහතා පත්කර තිබේ.
ඊයේ (පෙබරවාරි 16) මඩකලපුව, කලවංචිකුඩි ප්‍රදේශයේදී පැවති එම පක්ෂයේ මධ්‍යම කාරක සභා රැස්වීමකදී ගත් තීරණයක් අනුව මෙම පත්කිරීම සිදුකර ඇත.
මීට පෙර ඉලංගෛ තමිල් අරසු කච්චි පක්ෂයේ මහලේකම් ධුරයෙහි කටයුතු කළේ උතුරු පළාත් සභාවේ හිටපු අමාත්‍යවරයකු වූ පී. ඒ. සත්‍යලිංගම් මහතා වන අතර ඔහු මේ වනවිට අසනීප තත්වයෙන් පසුවන බැවින් වැඩබලන මහලේකම්වරයකු පත්කර ගැනීමට පක්ෂ මධ්‍යම කාරක සභාව කටයුතු කර තිබිණි.
