සංශෝධිත නව බදු ප්‍රතිපත්තියට විරෝධය පළකරමින් එළඹෙන 22 වැනිදා ජාතික විරෝධතා දිනයක් ලෙස නම් කිරීමට වෘත්තීයවේදීන්ගේ වෘත්තීය සමිති එකමුතුව අවධාරණය කළේය.
එම සන්ධානය නියෝජනය කරමින් රජයේ වෛද්‍ය නිලධාරීන්ගේ සංගමයේ මාධ්‍ය ප්‍රකාශක වෛද්‍ය චමිල් විජේසිංහ මහතා පැවසුවේ සියලුම ක්ෂේත්‍රවල සේවා නියුක්තිකයින් ඊට සූදානමින් පසුවෙන බවයි.
ආණ්ඩුව එම පණිවිඩය හෝ තේරුම්නොගන්නේ නම් එළඹෙන මාර්තු 01 වැනිදා සිට වෘත්තීයවේදීන්ගේ වෘත්තීය සමිති එකමුතුව මෙන්ම සියලුම වෘත්තීය සමිතිවල සහභාගීත්වයෙන් ඉතා දැවැන්ත විරෝධතාවලට යොමුවීමට තීරණය කර තිබෙන බවද ඔහු කියාසිටියේය.
අවසානයේ රටම අඩපණ වෙන තැනට එම වෘත්තීය ක්‍රියාමාර්ග යා හැකි බවද හෙතෙම ප්‍රකාශ කරන ලදී.
ආශිකා බ්‍රාහ්මණ
