විදුලි සැපයුම කප්පාදු නොකර පවත්වාගෙන යාම සඳහා මහජන උපයෝගීතා කොමිසම විසින් ලබා දී ඇති මාර්ගෝපදේශ කිසිසේත්ම ප්රායෝගික නොවන බව විදුලිබල මණ්ඩල ඉංජිනේරු සංගමය පවසනවා. එම කොමිසමේ උපදෙස් අනුව කටයුතු කළහොත් ගැටලු ගණනාවක් මතුවන බවයි ඉංජිනේරු සංගමයේ සභාපති අනිල් රංජිත් මහතා පෙන්වා දෙනවා.
මේ වනවිටත් ඉන්ධන නොමැතිකම හේතුවෙන් බලාගාර කිහිපයක විදුලි නිෂ්පාදන කටයුතු නවතා දමා ඇති අතර එම බලාගාර යළිත් ක්රියාත්මක කිරීමට අවශ්ය ඉන්ධන ලැබීමට තවත් සති දෙකක් පමණ ගතවනු ඇති බවද සභාපතිවරයා පවසනවා.
මීට අමතරව විදුලිය නිපදවීම සඳහා යොදා ගන්නා ජලාශවල ජල මට්ටමද දිනෙන් දිනම පහත වැටෙමින් තිබේ. මෙම තත්වය මත ඉදිරියේදී ජල විදුලි ධාරිතාවයද අවම වනු ඇත.
පවතින ගැටලුකාරී තත්වය මත විදුලි කප්පාදුවකින් තොරව පද්ධතිය පවත්වාගෙන යාම අසීරු බවයි විදුලි ඉංජිනේරු සංගමයේ සභාපති අනිල් රංජිත් මහතා පෙන්වා දෙන්නේ.
UN