2010 වසරේ පැවති ජනාධිපතිවරණයේදී එහි අපේක්ෂකයකු වූ සරත් ෆොන්සේකා මහතාට සහාය දීමට පොළඹවා ගැනීම සඳහා ජාතික නිදහස් පෙරමුණේ පාර්ලිමේන්තු මන්ත්‍රී මොහොමඩ් මුසම්මිල් මහතාට රුපියල් ලක්ෂ 42ක් අල්ලස් වශයෙන් ලබාදීමේ චෝදනාවට වැරදිකරු වූ හිටපු නියෝජ්‍ය අමාත්‍ය මයෝන් මුස්තාෆා මහතාට මාස 6ක බරපතළ වැඩ සහිත සිරදඬුවමක් කොළඹ මහාධිකරණය විසින් නියම කර තිබේ.
ඊයේ (17) දිනයේදී එම නඩු තීන්දුව ප්‍රකාශයට පත් කරමින් කොළඹ මහාධිකරණ විනිසුරු ආදිත්‍ය පටබැඳිගේ මහතා තවදුරටත් නියෝග කළේ මයෝන් මුස්තාෆා මහතාගේ ප්‍රජා අයිතිය වසර 7 කට අහෝසි කිරීමට ය.
එමෙන්ම ඔහුට රුපියල් 500ක දඩයක් ද නියම කෙරිණි.
දීර්ඝ නඩු විභාගයකින් අනතුරුව තීන්දුව ප්‍රකාශයට පත්කෙරුණු අතර නඩුවේ සාක්ෂි වශයෙන් ඉදිරිපත් කර තිබුණු දුරකථන සංවාද සහ සීසීටීවී දර්ශන අනුව විත්තිකරුට එරෙහි චෝදනා සාධාරණ සැකයෙන් ඔබ්බට ඔප්පු වී ඇති බවත් විනිසුරුවරයා සඳහන් කළේය.
RN
