සටහන – පුලී
පෙබරවාරි 20, LNW (කොළඹ): primetime TV හි විකාශනය වූ “Grey’s Anatomy” තුළින් රසික සිත් සොරාගත් ඒ කඩවසම් සහ දඩබ්බර නළුවා නමින් එරික් ඩේන් ය. 53 විය පසු කරමින් සිටියදී ඔහු, හදිසියේ මියගොස් ඇති බව විදෙස් මාධ්ය වාර්තා කරයි.
“ALS සමඟ පොරබැඳි සටනකින් පසු ඉකුත් බ්රහස්පතින්දා දහවල් එරික් ඩේන් අභාවප්රාප්ත වූ බව බර හදවත් ඇතිව අපි බෙදා ගනිමු. ඔහු සිය අවසන් කාලය ගත කළේ ආදරණීය මිතුරන්, ඔහුගේ ප්රිය බිරිඳ සහ ඔහුගේ ලෝකයේ කේන්ද්රස්ථානය වූ ඔහුගේ ලස්සන දියණියන් දෙදෙනා වන බිලී සහ ජෝර්ජියා සමඟයි.” යනුවෙන් ඔහු ගැන ප්රකාශයක සඳහන් වීය.
ඩේන් 2025 දී Lou Gehrig’s Disease ලෙසද හැඳින්වෙන amyotrophic lateral sclerosis (ALS) නම් දරුණු ස්නායු රෝගයක් සමඟ පොරබඳිමින් සිය දිවිය ගෙවන බවට නිවේදනයක් ඉදිරිපත් කර තිබිණි. එය මාංශ පේශිවල අංශභාගය ඇති කරන දුර්ලභ රෝගයක් වන අතර එය මාංශ පේශි චලනය පාලනය කරන මොළයේ සහ කොඳු ඇට පෙළේ ස්නායු සෛල වලට බලපාන අතර, රෝගීන්ට ස්වාධීනව කතා කිරීමට, ආහාර ගැනීමට, ඇවිදීමට සහ හුස්ම ගැනීමට ඇති හැකියාව සෙමෙන් අඩපණ කරනු ඇත.
ඔහුගේ රෝග විනිශ්චයෙන් පසුව, ඔහු දැනුවත් කිරීම් සහ පර්යේෂණ සඳහා දැඩි ලෙස පෙනී සිටිමින්, තමා සමඟ එකම සටනට මුහුණ දෙන අන් අයට වෙනසක් කිරීමට පවා අධිෂ්ඨාන කර ගත්තේය.
ජනප්රිය HBO යොවුන් නාට්ය සංදර්ශනයක් වන Euphoria හි Cal Jacobs ලෙස ඩේන් සිය රංඟනයෙන් ප්රේක්ෂක ආදරය දිනා ගත්තේය. ඊට පෙර, ඔහු වෛද්ය වෘත්තීමය නාට්යයක් වන Grey’s Anatomy හි Dr Mark Sloan නොහොත් ‘Dr McSteamy’ ලෙසින් වඩාත් සුප්රසිද්ධ විය.
Marley & Me, Valentine’s Day සහ Burlesque වැනි චිත්රපටවල පෙනී සිටින අතරතුර ඩේන්, Charmed නම් ෆැන්ටසි නාට්ය මාලාවේ Jason Dean ලෙසද, ක්රියාදාම නාට්ය සංදර්ශනයක් වන The Last Ship හි Captain Tom Chandler ලෙසද සිය රංඟනයෙන් දායක විය.