සටහන – රුවන් නෙළුගොල්ල
මෙවර අයවැයෙන් පරිපූරක වෛද්‍ය, හෙද, අතුරු වෛද්‍ය සේවාවන්හි සෞඛ්‍ය සේවකයින්ගේ අතිකාල දීමනා ප්‍රතිශතය කප්පාදු කිරීමක් සිදුව ඇති බවත් මේ අසාධාරණය විසඳීම සඳහා ආණ්ඩුවට දින 07ක කාලයක් ලබාදෙන බවත් සෞඛ්‍ය වෘත්තීය සමිති සන්ධානයේ සම කැඳවුම්කරු රවී කුමුදේශ් මහතා පවසයි.
“අපිට විශේෂ අතිකාල රේට් අගයක් ලබාදීලා තිබීමයි, අයවැයෙන් සාමාන්‍යයෙන් පඩි වැඩිවීමයි කියන දෙක ආණ්ඩුව බරපතළ විදියට පටළවාගෙන තියෙනවා. මේ අසාධාරණය ආණ්ඩුව පැත්තෙන් විසඳන්නේ නැතිනම් අපි නලින්ද ජයතිස්ස ඇමතිවරයාට කියනවා අපි දින 07ක කාලයක් දෙන්නම්, කරුණාකරලා මේක සම්බන්ධයෙන් සාකච්ඡා කරන්න. දින 07කට පස්සේ අපට මේකට උත්තරයක් නැතිනම් අපට වර්ජන ක්‍රියාමාර්ගයකට, සෘජුව වෘත්තීය ක්‍රියාමාර්ගයකට අවතීර්ණ වෙන්න වෙනවා”
රවී කුමුදේශ් මහතා මේ බව පැවසුවේ සෞඛ්‍ය වෘත්තීය සමිති නියෝජිතයින් රැසකගේ සහභාගීත්වයෙන් ඊයේ (20) පැවති මාධ්‍ය හමුවක් අමතමිනි.
