2023 පෙබරවාරි 15 දින සිට බලපැවැත්වෙන පරිදි ප්‍රාදේශීය සංවර්ධන බැංකුවේ (RDB) සභාපති සහ අධ්‍යක්ෂ මණ්ඩල සාමාජිකයෙකු ලෙස L. E. සුසන්ත සිල්වා මහතා පත් කර ඇත.
2008 අංක 41 දරණ ප්‍රාදේශීය සංවර්ධන බැංකු පනතේ 11(2), 11(3) සහ 12(1) වගන්ති ප්‍රකාරව මුදල්, ආර්ථික ස්ථායීකරණ සහ ජාතික ප්‍රතිපත්ති අමාත්‍යවරයා වශයෙන් ජනාධිපතිවරයාගේ උපදෙස් හා අනුමැතිය පරිදි භාණ්ඩාගාර ලේකම්වරයා විසින් මෙම පත් කිරීම සිදු කර ඇත.
මීට පෙර සුසන්ත සිල්වා මහතා ලංකා ඛනිජ තෙල් නීතිගත සංස්ථාවේ කළමනාකාර අධ්‍යක්ෂකවරයා ලෙස කටයුතු කළ අතර, පසුව ඔහුගේ අනුප්‍රාප්තිකයා ලෙස රවී විජේගුණවර්ධන මහතා එම තනතුරට පත් විය.
රෂිකා හෙන්නායක
