රෂිකා හෙන්නායක පෙබරවාරි 22, කොළඹ (LNW):
අද (22) දිනයේ නඩත්තු කටයුත්තක් හේතුවෙන් කැලණිවැලි මාර්ගයේ දුම්රිය ගමන්වාර 5 ක් අවලංගු කර ඇතැයි දුම්රිය දෙපාර්තමේන්තුව පවසයි.
නුගේගොඩ හා උඩහමුල්ල අතර පැඟිරිවත්ත දුම්රිය හරස් මාර්ගයේ නඩත්තු කටයුත්තක් හේතුවෙන් එලෙස දුම්රිය ගමන්වාර අවලංගු කර ඇති බව, දුම්රිය නියෝජ්‍ය සාමාන්‍යාධිකාරි එන්.ජේ.ඉඳිපොලගේ මහතා පැවසුවේය.
ඒ අනුව අද පෙරවරුවේ හා පස්වරුවේ ධාවනය වීමට නියමිත දුම්රිය ගමන්වාර එලෙස අවලංගු වනු ඇත.
