අද දහවල් කොළඹදී පැවැත්වීමට නියමිත වෘත්තීයවේදීන්ගේ විරෝධතාව පැවැත්වෙන්නේ රජයේ බදු ප්‍රතිපත්තියට එරෙහිවයි.
වෘත්තීයවේදීන්ගේ වෘත්තීය සමිති එකමුතුව නියෝජනය කරන වෘත්තීය සමිති 40 කට වැඩි සංඛ්‍යාවක නියෝජිතයින් ඊට එක්වීමට නියමිත බව රජයේ වෛද්‍ය නිලධාරීන්ගේ සංගමයේ මාධ්‍ය ප්‍රකාශක වෛද්‍ය චමිල් විජේසිංහ පවසයි .
විශ්ව විද්‍යාල ආචාර්යවරුන්ගේ සමිති සම්මේලනයේ සභාපති මහාචාර්ය ශ්‍යාම බන්නැහැක ද ඒ සම්බන්ධයෙන් අදහස් පළ කළ අතර , ලංකා විදුලිබල මණ්ඩලයේ ඉංජිනේරු සංගමයේ සම ලේකම් ඉසුරු කස්තුරිරත්න පැවසුවේ සිය සංගමය ද එම විරෝධතාවට එක්වන බවයි.
රෂිකා හෙන්නායක
