සටහන – නිශ්මං රණසිංහ
පෙබරවාරි 23,(LNW)කොළඹ :
සිංගප්පූරුවේ ක්‍රියාත්මක SBH Singapore International Challenge 2025 තරගාවලියේ අවසන් අට දෙනාගේ තරග වටය තෙක් පැමිණි විරේන් නෙත්තසිංහට එහිදී චීන තායිපේ ක්‍රීඩක චෙන් චායි ටින්ග් අතින් වට 2 – 1 ක් ලෙස පරාජයට පත් වුණා.තරගයේ ලකුනු තත්ත්වය දැක් වූණේ ලකුනු 21-17,16-21 සහ 21–13 ක් ලෙසයි.
විරේන් ඊට පෙර මුහුණ දුන් තරග දෙකද තරග වට 3 ක් දක්වා ගොස් ජය ගැනීමට සිඳු වුණු මැලේසියානු සහ චීන තායිපේ ක්‍රීඩකයන්ට එරෙහි තරග වූ අතර තෙවන වරටත් ඔහුට ඒ ආකාරයේම අභියෝගයක් මතු වීමත් යම් ආකාරයකට ඔහුගේ මනසට සහ කයට පීඩාකාරී විය හැකියි.
විනාඩි 68 ක කාලයක් පුරා දිව ගිය විරේන්ගේ පරාජිත තරගයේ දී 26 හැවිරිදි චීන තායිපේ ජාතිකයා සිය අත්දැකීම්වලින් මෙන්ම විරේන්ගේ වෙහෙසෙන් ද උපරිම ප්‍රයෝජන ලබා ගන්නට සමත් වුණා.
