රෂිකා හෙන්නායක පෙබරවාරි 23, ලෝකය (අවුට්බවුන්ඩ් ටුඩේ):
ඇමරිකා එක්සත් ජනපදයේ ඊසානදිග ප්‍රදේශයට බලපා ඇති අතිශය දරුණු හිම කුණාටුවක් පිළිබඳව විදෙස් මාධ්‍ය වාර්තා කරයි.
නිව්යෝර්ක් නගරාධිපතිවරයා විසින් නගරය පුරා හදිසි තත්වයක් ප්‍රකාශයට පත් කර ඇති අතර, අත්‍යවශ්‍ය සේවා සඳහා පමණක් මහාමාර්ග විවෘතව තබමින් අනෙකුත් සියලුම ගමනාගමන කටයුතු තහනම් කර ඇත.
කාලගුණ අංශ අනතුරු අඟවන්නේ පැයකට අඟල් තුනක වේගයෙන් හිම පතනය විය හැකි බවත්, මෙහි ප්‍රතිඵලයක් ලෙස විදුලිය බිඳවැටීම් සහ ගමනාගමනයට දැඩි බාධා එල්ල විය හැකි බවත්ය.
නිව්යෝර්ක් සිට රෝඩ් අයිලන්ඩ් දක්වා ප්‍රාන්ත කිහිපයකට මෙම හිම කුණාටු අනතුරු ඇඟවීම් නිකුත් කර තිබේ.
දශකයකට පසුව කලාපයට බලපාන දරුණුතම ස්වභාවික විපත්තිය මෙය ලෙස සැලකෙන බැවින්, අනවශ්‍ය ගමන් බිමන්වලින් වළකින ලෙස බලධාරීන් ජනතාවගෙන් ඉල්ලා සිටියි.
මෙය මුළුමනින්ම ජන ජීවිතයට සහ යටිතල පහසුකම්වලට දැඩි බලපෑමක් එල්ල කරන ඓතිහාසික මට්ටමේ කාලගුණික සිදුවීමකි.
